Америкийн Нью-Йорк хотын Цагдаагийн удирдах газар хотын гудамжаар дүрэм зөрчин давхилдсан эздээс нь хураасан хэдэн арван мотоцикл дөрвөн дугуйтыг бульдозероор дайруулан устгаж байгаа дүрс бичлэгээ албан ёсны фейсбүүктээ нийтэлсэн байна.
Энэ онд гэхэдтл цагдаагийн газар 700 нэгж мотоцикл хураасан, эдний эзэд нь хотын хөдөлгөөний дүрэм зөрчсөн, дуулга малгайгүй явсан гэж цагдаагийн комиссар Уильям Браттон мэдэгджээ.
Энэ замбараагүй байдлыг арилгахын тулд мотоциклуудыг нь хурааж, устгаж байгаагаа телевизээр шууд дамжуулна гэж Нью-Йорк хотын дарга Билл Де Блазио  өнгөрсөн дөрөвдүгээр сард мэдэгдсэн юм.
Хотын иргэд ч байкерууд, мотоциклчид хотын гудамжаар давхилдан заналхийлж байна гэж гомдоллодог ч энэ мэдээллийн араас сэтгэгдэл бичсэн бүх хүн хүний өмчийг ийн устгаж байгааг дэмжихгүй байгаа юм.