ОХУ-ын Новгород мужийн Валдай хотын хоёрдугаар сургуулийн зургадугаар ангийн сурагч Юлия Колосоваг хичээлээсээ тараад явж байтал нэгэн байшинд гал гарч байж.

Гал сөнөөгчид хараахан ирээгүй байхад дэргэдүүр өнгөрч явтал хүүхэд хашгирах чимээ гарахаар нь Юлия охин тэдэнд туслахаар гүйж орсон байна.


Байшинд хоёр жаахан хүүхэд байсныг тэрээр гадаа гаргаад байтал гал байшингийн дээврийг бүрхэж байхад гуравдахь хүүхэд уйлах дуулдаж. Охин удаан бодсонгүй дахин гүйж ороод айж, түлэгдэж угаартсан бяцхан жаалыг гаргаж авсан байна. Энэ үеэр байшин бүхэлдээ галд автан шатжээ.
Түлэгдэж, угаартсан жаалыг эмнэлэгт хүргэсэн байна.