Оросын хоёр  иргэний амийг хөнөөсөн хэрэгт сэжиглэн ОХУ-д аваачин хорьж олон жилээр хорих ял өгөөд байсан Украины нисгэгч эмэгтэй Надежда Савченког сулласан явдлыг барууны орнууд талархалтай хүлээн авч байна. АНУ-ын Төрийн департаментын тэргүүн Марк Тонер “Энэ бол Минскийн энхийн хэлэлцээр хэрэгжихийн дохио” гэж мэдэгдсэн байна.

Марк Тонер украины нисгэгч эмэгтэйг нэг хэсэгтээ ар гэрийнхэнтэйгээ хамт байх байлгүй дээ гээд Украины засгийн газар нисгэгчээ чөлөөлөх гэж хүмүүнлэг алхам хийлээ гэсэн байна.
АНУ-ын Төрийн департаментын тэргүүн бас  “Савченко жинхэнэ цэрэг байсан. Тэр Украины зүүн нутагт салан тусгаарлагчид, оросын цэргийнхний байлдаж байгаа газарт тулалдсаныхаа төлөө ОХУ-ын шоронд хоригдсон. Түүний ирээдүй, цэргийн алба, цол  хэрхэхийг мэдэхгүй байна. Оросууд Крымыг хууль бусаар эзэлж, өнөө ч өөртөө байлгаж байгаа болохоор бид Крымыг  хууль ёсных нь эзэмшигч Украинд эргүүлэн өгөх ёстой гэж үзэж байгаа. Дорнод Украины тухайд бүх зүйл ойлгомжтой, салан тусгаарлагчид, Орос улс энэ бүхнийг өдөөн дэмжиж байгаа нь тодорхой байна.
Савченког сулласан явдал Минскийн энхийн хэлэлцээрийг бүрэн хэрэгжүүлэхэд маш чухал алхам боллоо. Бид бол Донбасст украины хуулийн дагуу сонгууль явьуулахыг харахыг хүсч байна. Бид бас эндээс гадаадын цэрэг, техник эргэн гарахыг, эцсийн эцэст Украин улс өөрийн газар нутагтаа бүрэн хяналт тогтоохыг хүсч байна. Энэ бүхнийг мэдээж заавал биелүүлэх болно” гэж хэлжээ.