Грекийн  давж заалдах шатны шүүхийн зөвлөлийн тэргүүн Исидора Понгавелагийн гэрийн хаягаар нь тэсрэх бөмбөгтэй илгээмж явуулсан байна. Пүрэв гарагт ирсэн илгээмж нэг л сэжигтэй санагдсан учир шүүгч нээлгүйгээр цагдаа, терроризмын эсрэг албаны ажилтнуудыг дууджээ. Мэргэжилтнүүд илгээмж дотор номоор халхавчилж нууцалсан тэсрэх бөмбөг байсныг илрүүлээд хэрэв шүүгч илгээмжийг задалж номыг нээсэн л бол тэсрэх байсныг тогтоосон байна.

Тэсрэх бөмбөгний  дэлбэрэх төхөөргийн схемийг судалж байгаа  шинжээчид тэндээс алан хядагчдын хурууны хээ олохыг оролдож байгаа юм байна.
Исидора Понгавела нь алан хядагч “Галын үүрийн хэлэлцээр”, хэт барууны “Алтан туяа” намын зэрэг зэвсэгт бүлэглэл, террористуудын ноцтой гэмт хэргүүдийг мөрдөж гаршсан, үүгээрээ нэрд гарсан шүүгч юм байна.