Алан хядагч “Лалын улс” зэвсэгт бүлэглэлийн гол алуурчин цаазын ял гүйцэтгэгч заандалчин, “Бульдозер” хочит Фаллужи гэгчийг Сирийн цэргийнхэн баривчиллаа гэж мэдээлжээ. Тэрээр хэт тарган учраас ийн бульдозер хоч авсан гэж оросын “Звезда” телевиз мэдээлсэн байна.

“Бульдозер”-ийн гэрэл зураг анх 2014 онд суурин том пулемёт бариад авхуулсан нь жирийн хүн автомат бариад зогсч байгаа юм шиг харагдаж байсан юм. Харин түүний харгис, хэрцгийн тухай дэлхий дахин мэднэ.

 “Тэр зүгээр нэг хүмүүсийг алж, цаазалдаг төдийгүй,  барьцааны хүмүүс, хүүхдийг цаазалж байгаагаа ид бах болгон харуулах дуртай зандалчин” гэж телевизийн мэдээнд дурджээ.

“Бульдозер”-ын нэр, гарал үүсэл нь тодорхойгүй. Харин түүний хамтрагч ажил мэргэжил нэгт Жихад Жон нь бол британийн Вестминстерийн их сургууль төгссөөн программч мэргэжилтэй Мухаммед Эмвази гэгч болохыг британийн тусгай алба тогтоосон байна. Тэрээр одоо 27 настай гэнэ.