Иргэн бүрт сар тутам мөнгөн тэтгэлэг өгөх эсэх тухай явуулсан санал асуулгаар Швейцарийн иргэдийн бараг 80 хувь нь үүнийг дэмжсэнгүй. Энэ санал дэвшүүлэгчдийнхээр бол швейцарийн насанд хүрсэн хүн бүрт сар тутам 2,5 мянган швейцари франк, хүүхдэд 625 франк  олгож байх юм.

Ийм санал дэвшүүлэгчид иргэн бүрт ийм хэмжээний мөнгөн тэтгэлэг олгосноор зайлшгүй хэрэгцээт хүнсний бүтээгдхүүнээ худалдан авах, хүмүүс өөрийн бүтээлч чадавхиа ил гарган хөгжүүлэхэд тус болно гэж байгаа юм.

Харин  эсэргүүцэгчид нь үүнийг улс орныг санхүүгийн хүндрэлд оруулна, тэгээд ч ажил хөдөлмөр эрхлэх сонирхол буурна  гэж байгаа юм. Урьдчилсан тооцоогоор ийм тэтгэлэг өгөхөд жил бүр 208 тэрбум франк шаардлагатайн гуравны нэгийг төсвөөс гаргах болж үүний тулд татварыг нэмэх хэрэгтэй болж байгаа юм.

Санал асуулгын дүнгээс үзэхэд нийт иргэдийн дөнгөж 23,1 хувь нь л энэ саналыг дэмжсэн бол санал асуулгад оролцогсдын 76,9 хувь нь хүн бүрт ийм сул мөнгө өгөх шаардлагүй гэж үзсэн байна.
Харин швейцарийн иргэд үүний оронд цагаачлалын бодлогыг өөрчлөх хэрэгтэй, тэднийг орогнуулах зөвшөөрөл өгөөгүй тохиолдолд эх оронд нь  түргэн буцааж байх хэрэгтэй гэж санал өгсөн байна. Швейцаричуудын 73,5 хувь нь ийм санал өгчээ.