Украины зүүн бүсийн муж байснаа Оросуудын дэмжлэгтэйгээр салан тусгаарлаж, өөрсдйигөө Донецкийн бүгд найрамдах улс хэмээн тунхаглаад байгаа “улс” Украины газар нутгийг эзлэн авах төлөвлөгөө боловсруулсан гэж эдний удирдагчдын нэг Денис Пушилин оросын Лента.ру хэвлэлд өгсөн ярилцлагадаа мэдэгдсэн байна.

“Бид Украин руу довтлохын тулд Минскийн энхийн хэлэлцээрээс албан ёсоор гарна. Киев мэдээж барууны дэмжлэг авна, тэгэхээр нь бид хариу цохилт өгнө. Ийм байдлара үйл явдал цааш цаашаа үргэлжилж украины салаанууд фронтын шугаман дээр эсэргүүцэл үзүүлэх ч бид тэднийг тогооноос шахан гаргана. Ингэхээр хэн биднийг эсэргүүцэх юм бэ” гэж тэр оноцлон тэмдэглэжээ.

“Ингээд л бидний Киев орох зам нээгдэнэ. Тэгээд Александр Захарченко газар нутгийн ихэнхийг захирна. Яагаад бид ийм байдлаар шинэ Украины ерөнхийлөгч болж болохгүй гэж” Пушилин хэлснэ байна.

Дени́с Влади́мирович Пуши́лин нь өөрсдийгөө Донецкийн бүгд найрамдах улс гэж тунхаглаад байгаа улсын Дээд зөвлөлийн тэргүүлэгчдийн дарга, ДБНУ-ын түр засгийн газрын тэргүүн. Минскийн гурван талт энхийн хэлэлцээр дэх ДБНУ-ын бүрэн эрхт байнгын төлөөлөгч.