Польшийн археологчид Гданьск хотын орчим фашистын бөөнөөр хорих Штуттгоф лагерь байсан газарт малтлага хийж энд хоригдож байсан хоригдлуудын хувийн эд зүйлсийг олж илрүүллээ хэмээн польшийн төв хэвлэл мэдээллээ.

Олдвор дотор хоригдлуудын хөнгөн цагаан загалмай, хээрийн аяганы бариулаар хийсэн хутга, үнсний сав, сам, хоригдлуудын хувийн дугаар байна. Үүний зэрэгцээ нацистын цэргүүдийн хувийн дугаар, СС-ийн цайны газрын шаазан аяга зэрэг ч гарсан байна.

Бөөнөөр хорих лагерь байсан газарт археологийн малтлага хийх ажил гурван жилийн өмнө эхэлж нийтдээ 100 орчим га талбайг хамруулан хийж байгаа юм.

Нацистууд Штуттгофын  бөөнөөр хорих лагерийг 1939 онд байгуулж,  эхлээд польшуудыг хорьж байснаа сүүлдээ орос, еврей зэрэг бусад үндэстний хоригдлуудыг ч аваачдаг болжээ. Зургаан жилийн хугацаанд энэ лагерь нийтдээ 120 га талбайг хамрах болон өргөжиж энд 65 мянган хоригдол амь алдсаны 28 мянга орчим нь еврейчүүд байсан юм.

1962 онд лагерь байсан  газарт 20 мянган га талбай бүхий музей байгуулж хүмүүсийг хөнөөдөг байсан хийн камер зэргийг нь хэвээр хадгалан авч үлдсэн юм.