Хятадын зорчигч тээврийн, дунд зайны СОМАС С919 онгоц энэ оны хоёрдугаар хагас гэхэд анхын туршилтын нислэгээ хийнэ  гэж хятадын хэвлэлүүд мэдээллээ.

Ингэснээр 2017 оны дундуур бүхий л  эд анги, зангилааг нь нэг бүрчлэн шинжилж  үнэлгээ хийгээд ирэх оны эцэс гэхэд үйлчилгээнд гаргана гэж зохион бүтээгчид, эрх баригчид тооцоолж байгаа юм байна.

Европын Airbus A320 юм уу, америкийн  Boeing 737-той өрсөлдөнө гэж хятадын эрх баригчдын тооцоолж байгаа энэ онгоц 174 хүний суудалтай, 12 мянган метрийн өндөрт, цагт 834 км-ийн хурдтайгаар  буулгүй 5,5 мянган зам туулан нисэх чадвартай юм байна.

Өнөөдрийн байдлаар СОМАС-ыг бүтээгчид дотоод гадаадаас хэдэн арван захиалга хүлээж аваад байгаа гэж “Наньцзао жибао” хэвлэлд бичжээ.