Туркийн Стамбул хотын Ататюрк олон улсын нисэх буудалд халдлага зохион байгуулагчдын нэг нь алан хядагч “Лалын улс” зэвсэгт бүлэглэлд элссэн Оросын Чечениэс гаралтай Ахмет Чатаев гэгч байсан гэж туркийн Yeni Safak сонин орон нутгийн цагдаагийн газрын эх сурвалжаас авснаа мэдээлжээ.

Чатаев үүний өмнө гэмт хэргийн “Имарат Кавказ” байгууллагын тэргүүн Доку Умаровт ажиллаж байхдаа чечненийн хоёрдахь кампанийн үеэр баригдсан ч шоронгооос оргон 2001 онд Чеченийг орхин 2003 онд Австрид дүрвэгчийн статтус аван амьдарч эхэлжээ.

Улмаар 2008 оны хавар шведийн Треллеборг хотод машинаараа зэвсэг галт хэрэгсэл тээж яваад баригдаж дахин шоронд орсон байна.Чатаевыг энэ онд Чеченийн шүүх эчнээгээр баривчилж, терроризм, зэвсэгт дээрэм зээрг эхэргт буруутган интерполоор эрэн сурвалжилж эхэлсэн юм байна.

Үүнээс гадна Туркийн хэвлэлүүд нисэх буудалд өөрийгөө дэлбэлсэн амиа золиослогчийн нэг нь мөн л Чеченийн гаралтай Осман Вадинов гэгч байсан гэж бичиж байна. Тэрээр Сирийн Ракка хотоос Туркт ирсэн байна. Алан хядлага үйлдсэн бусад алан хядагчид нь Киргиз, Узбекийн иргэд байсан гэж туркийн хэвлэлүүдийн бичсэнийг барууны хэвлэлүүд нийтэлж байна.