Ерөнхийлөгч Дали Грибаускайтыг тагнахын тулд албан өрөөнд нь чагнах төхөөрөг байрлуулах гэж латвийн төрийн тэргүүний хамгалалтын албаны ажилтныг худалдан авахыг санаархлаа гэж Литвийн засгийн газар ОХУ-ын иргэнийг буруутгасан байна.

Өнгөрсөн дөрөвдүгээр сараас хойш шоронд сууж байгаа Оросын иргэн Н.Ф гэгчийг мөрдөн шалгах явцад тэрээр ерөнхийлөгчийн албан өрөөнд чагнах төхөөрөмж тавихын тулд хамгаалалтын ажилтнуудыг худалдан авахыг оролдсон, хуурамч бичиг баримт  ашиглан хил давсан гэж Литвийн эрх баригчид буруутгаж байгаа юм.

Оросыг тагнуулын хэрэгт буруутгаж байгаа нь Литвад зөвхөн энэ удаа ч биш. “Литвад ажиллаж байгаа оросын дипломатуудын гурван хүний нэг нь өөрийн орондоо тагнуулын байгууллагад ажилладаг юм уу, тэдэнтэй хамтран ажилладаг” хэмээн  литвийн сөрөг тагнуулын алба өнгөрсөн  оны гуравдугаар сард тайлан бичиж байсан юм.
Энэ бүхэн НАТО-гийн дээд хэмжээний уулзалтын өмнөх шинэ жүжиг хэмээн  оросын хэвлэлүүд бичиж байна. Украины зөрчилдөөнд Москва хэт их оролцож байгаа учраас НАТО зүүн Европ дахь цэргийн оролцоогоо бэхжүүлж байгаа нь оросуудад таалагдахгүй байгаа юм.