Өнөөдөр дэлхийн гоо сайхны өдөр тохиж байна. Энэхүү өдрийг “СИДЕСКО“ буюу олон улсын гоо зүй, гоо сайхны ухааны хорооны санаачилгаар жил бүр уламжлал болгон тэмдэглэдэг юм. Анх Брюсельд 1946 онд байгуулагдсанаас хойш өдгөө дэлхийн орнуудад 33 салбар нээн ажиллуулж байна. Дэлхийн хэмжээнд 1995 оны энэ өдрөөс гоо сайхны болон сэтгэл санааны бүхий л таашаал өгөх гоо үзэсгэлэнг илүүтэйгээр шүтэн биширч иржээ. Тиймээс ч энэ өдрүүдэд гоо сайхны олон тэмцээн зохин байгуулагддаг болсон байна. Тухайлбал, гоо бүсгүйн анхны тэмцээн 1888 онд Бельгид болж байсан бол “Дэлхийн мисс” тэмцээний анхных нь Лондон хотноо 1951 онд зохиогджээ.