БНАСАУ-д их хэмжээний үер болж 133 хүн амь үрэгдэн, өөр 395 хүн сураггүй алга болсонд тооцогдож байна гэж НҮБ мэдээлснийг Франс Пресс агентлаг дамжуулжээ.

Тус улсын зүүн хойд нутгийн, Орос Хятадын хилийн ойролцоо 100 орчим мянган хүн амьдардаг Хамгён-Пукто мужийн нутагт үргэлжилсэн ширүүн бороо орсны улмаас  Туманган гол эргээсээ хальж үерт өртсөн байна. Эрх баригчид өргөн дайчилгаа явуулж ес хоногийн туршид аврах ажил явуулж байна. Үерийн улмаас 35 мянга орчим байшин барилга гэмтсэний тал хувь нь бүрэн нурж сүйджээ. НҮБ-ын мэдээлснээр бол 140 мянган хүнд яаралтай тусламж хэрэгтэтй байгаа гэнэ.

Энэ бол тус улсын түүхэнд хамгийн хүчтэй үер гэж НҮБ мэдээлж байна.