Америкийн Индианаполис мужийн 77 настай эмч Дональд Клайныг зохиомлоор үр тогтоолгохыг хүссэн  эмэгтэйчүүдэд өөрийнхөө үрийн шингэнийг өгч байсан нь илэрчээ. 
Түүний ийм хууль бус үйлдэл хийж байсныг мэдсэн,  эмчлүүлэгч байсан эмэгтэйчүүдийн хүүхдүүд  энэ талаар хууль сахиулах байгууллагад ханджээ. Эмч Клайн үүнийгээ няцааж байсан ч ДНК-ийн шинжлгээгээр хоёр ч тохиолдол нь үнэн болох нь батлагдсан байна.

Мөрдөн байцаах явцад хууль сахиулагчид,  эмч Клайн хамгийн багаар бодоход  50 тохиолдолд өөрийнхөө үрийн шингэнийг үйлчлүүлэгч өвчтөндөө нууцаар өгсөнийг тогтоосон  байна.  Индианаполисын шүүх доктор Клайныг өөрийн өвчтнүүддээ ойртох, тэдэнтэй харилцахыг ч хоригложээ.
Харин эмч Дональд Клайн байцаалт дээр энэ үйлдлээ ердөө л хүүхэдгүй эмэгтэйчүүдэд туслах гэсэн сайн үйлсийн үйлдэл  гээд, энэ бол ердөө ч муу зүйл биш гэж мэдэгдсэн байна.