Саяхан өөрийнхөө эцгийг буриад хүн байсан гэж мэдэгдсэн Холливудын жүжигчин Стивен Сигал ОХУ-ын иргэншил авахыг хүсч байгаа мэдэгджээ. Тэрээр  Өмнөд-Сахалинскт болж байгаа  олон улсын киноны “Край света” /ертөнцийн хязгаар/ наадамд оролцож байх үеэрээ сэтгүүлчдэд ингэж мэдээлсэн байна.

-“Би оросын иргэншил авахаар бодож байна. Жилдээ хэдэн сараар Орос дахь  найз нөхөд, хүмүүстэй хамт байхыг хүсч байна” гэж Сигал хэлжээ.
Мөн Орос орон, түүний асар баялаг соёл нь  маш их таалагддаг гээд бизнес эрхлэхэд маш их таатай, боломжтой газар гэж нэмж  хэлсэн байна.

Тэр бас ялангуяа Японтой ойр болохоор Сахалин их тааламжтай газар гэжээ. Жилийн өмнө Владивостокт болсон Дорнын эдийн засгийн форум дээр Сигал Сахалин мужийн амбан захирагч Олег Кожемякотой уулзахад түүнийг Сахалинд урьж байсан юм.

Киргизэд болсон нэг хэвлэлийн бага хурал дээр Стивен Сигал өөрийнхөө эцгийг буриад гэж хэлсэн юм.