Испанийн Сантадера хотоос Мадрид чиглэж явсан зорчигч тээврийн хурдан галт тэрэгний машинист ажлын өдөр дууслаа гээд галт тэргээ замын дунд Осорно өртөөнд зогсоогоод өөрөө буугаад явчихсан тохиолдол гарчээ.

Галт тэргэнд явсан 109 зорчигч тэндээ түгжигдэж хоцорсон болохоор төмөр замын компани өөр машинч олж хүмүүсийг гаргах, хүрэх газарт нь хүргэх хэрэгтэй болсон байна. Эхлээд үндэсний гвардийнхан очиж вагонд түгжигдсэн зорчигчдыг гаргажээ. Галт тэргийг өртөөн дээрээс зайлуулж, зорчигчдоос уучлал гуйгаад  тусгай автобусаар Мадрид руу хүргэсэн байна.

Төмөр замын компани хариуцлагагүй машинчаа мөрдөн шалгаж эхэлсэн ч төмөр замын үйлдвэрчний эвлэлийнхэн хөдөлмөрийн хуулийг мөрдөж, зорчигчдын аюулгүй байдалд анхаарсан хэмээн машичийн талд байгаа гэнэ. Тэд машинч хэт ядарснаас болж осол аваар гаргахгүйн тулд л ийм шийдвэр гаргаж гэж үзэж байгаа юм байна.