ОХУ Холбооны аюулгүй байдлын албаныхаа бүтэц дээр Улсыг аюулаас хамгаалах яам байгуулж бүрэлдхүүнд нь Холбооны хамгаалалтын алба, Гадаад тагнуулын албыг оруулах  гэж байна хэмээн  “Коммерсантъ” хэвлэлд бичжээ.

Энэ шинэ яам нь тусгай албадын цуглуулсан материал дээр үндэслэн мөрдөн шалгах ажлыг хянах үүрэг гүйцэтгэх бололтой.

Үүнтэй зэрэгцээд Мөрдөн байцаах хороог ОХУ-ын прокурорын газрын бүрэлдхүүнд оруулж зэрэг дэвийг нь жаахан буруулж магадгүй гэнэ.
Онцгой байдлын яамыг хоёр хувааж Батлан хамгаалах болон Дотоод явдлын яаманд өгөх магадлал байгаа юм байна.

ОХУ-ын ерөнхийлөгч Владимир Путины хэвлэлийн нарийн бичгийн дарга Дмитрий Песков энэ мэдээллийг батлахгүй байгаа ч Коммерсант хэвлэлийн бичсэнээр бол 2018 оны ерөнхийлөгчийн сонгуулийн дараагаар хуучин ЗХУ-ын үед байсан Улсыг Аюулаас хамгаалах яам эргэн сэргэж магадгүй гэнэ.