Британийн Лидс хотод хаягдал хүнсний супермаркет нээсэн байна. Энэ дэлгүүрт  сүлжээ дэлгүүрүүдийн болон бусад аж ахуйн нэгж байгууллагын хаяж байгаа хүнсний бүтээгдхүүнүүдийг худалдаалах юм байна. Гэр бүлээ тэжээх гэж ядаж байгаа бага орлоготой хүмүүст туслах зорилготой энэ дэлгүүрээр үйлчлүүлэгчид чадлынхаа хэрээр л төлбөр хийхэд хангалттай гэнэ.

Real Junk Food төслийн багийнхан үүнээс өмнө 2013 онд ийм зориулалттай кафе нээж байсан юм. Энэ төслийнхөн Британи даяар ийм хэдэн зуун үйлчилгээний газар нээж супермаркетууд, бусад байгууллагын хаяж байгаа хүнсний бүтээгдхүүнүүдийг цуглуулж сургуулиудад илгээдэг байна. Ингэснээр энэ сүлжээ бага орлоготой айл өрхүүдийн 12 мянга гаруй хүүхдийг хүнсээр хангадаг болжээ.

Real Junk Food Project төслийг мэргэжлийн тогооч Адам Смит санаачилж  энэ супермаркетийг нээсэн бол цаашдаа Шеффилд,  Брэдфордод шинэ салбараа нээхээр төлөвлөж байгаа гэнэ.

Статистик судалгаагаар хүнсний бүтээгдхүүний 25 хувь нь худалдааныхаа цэгт очиж чадалгүй хаягддаг бол 30-50 хувь нь хугацаа нь дуусахаасаа өмнө хаягддаг байна.