Бэлгийн чалх сайжруулдаг Виагра эмийг  хууль бусаар хуурамчаар  үйлдвэрлэдэг дэлхийд томоохонд орох үйлдвэрийг Польшийн хойд нутгийн Быгдоще хотоос илрүүлэн хаасан байна. “Энэ бол бэлгийн сулралын эсрэг эмийг хуурамчаар үйлдвэрлэдэг дэлхийн томоохонд орох үйлдвэр. Энэ дөрвөн ч компанийн оролцоотой юм байна. Эм бэлдмэлүүд нь бүгд хуурамч байлаа” гэж Польшинй цагдаагийн төлөөлөгч Агнешка Хамелюц мэдэгджээ.

Цагдаагийн төлөөлөгчийн хэлснээр бол эдний бүтээгдхүүн, хуурамч эмүүд нь зориулалтын ямар ч хэм хэмжээ байхгүй хүний эрүүл мэнд, амь насанд аюул учруулах зүйл гэнэ.

Хууль сахиулагчид эндээс 3,95 сая еврогоор үнэлэгдэх 530 гаруй таблеток хуурамч эм бэлдмэл хурааж устгасан байна. Агуулахад нууцаар ажилладаг үйлдвэрийн байрнаас хуурамч эмүүдээс гадна 4,5 сая доллартай тэнцэх 17 сая злот, эм үйлдвэрлэх зориулалтын машин тоног, төхөөрөмж, багажийг мөн хураан авчээ.

Энэ хуурамч эмийн үйлдвэр, бүтээгдхүүнийг нь интернетээр сурталчлан борлуулдаг хэмээн сэжиглэж 14 хүнийг саатуулсны гурвыг нь гэмт хэргийн зохион байгуулагч, удирдагч гэж үзэж байгаа юм байна.