ОХУ-ын Тувагийн Пий-Хемскийн районы Хут тосгоны гурван настай хүү ойд төөрөөд гурав хоногийн дараа эрүүл саруул олдсон байна.
Аав ээж нь оюутан болохоор жаал хүү эмээтэйгээ хамт амьдардаг байж. Жаал хүү нохойтой тоглож байгаад түүнийхээ хойноос явсаар ойд ороод төөрч орхисон байна.

Хүүг алга болсон тухай мэдээлэл аваад цагдаагийнхан тосгоны 63 байшинг шалгаж үзээд байхгүй болохоор нь хэдэн хэсэг болон ойролцоох газрыг самнаж эхэлсэн байна. Хууль сахиулагчид нутгийнхан, сайн дурынхан нийлээд 30 хавтгай дөрвөлжин км газрыг самнаж хоёр дахь хоногоос нь нисдэг тэргээд 125 хавтгай дөрвөлжин км газрыг тандан хайжээ.
Ингээд гурав дахь хоног дээр нь хүүг тосгоноос гурван км орчим газар гүн ойгоос олоход эрүүл саруул байжээ.

“Ёстой азтай тохиолдол. Жаал хүү олдмогцоо эмээгээ дуудаа, өөрийн тоглоомон машинаа хаана байна гэж асуусан” гэж Тувагийн ДЯЯ-ны хэвлэлийн албаны ажилтан Аржаан Чакчин ярьжээ.
Жаал хүү “Халаасанд байсан шоколадаа идэж дуусаад, яваад л байсан. Дараа нь ядраад унтаад өгсөн байна. Харин навчистай, хуура йгазар олж унтсан байсан” гэж Тувагийн Онцгой байдлын газрын дарга Аяс Сарыглар ярьсан байна.
Гурван настай Церинг одоо эмнэлэгт авчран тэнхүүлэх арга хэмжээ авч байгаа юм байна.