Туркт цэргийн эргэлт гарах оролдлого гарсны дараагаар тус улсад тогтоосон онц байдлыг  Үндэсний аюулгүй байдлын зөвлөл нь сунгах санал тавьсан байна. Ерөнхийлөгч Режеп Тайип Эрдагоны оролцсон хуралдааны тухай мэдээлэлд “Манай иргэдийн эрх, эрх чөлөө, ардчиллал, төрийн  эрхзүйн зарчмыг хамгаалахын тулд авч байгаа арга хэмжээг үрдүнд хүргэх  үүднээс Онц байдлыг цаашид үргэлжлүүлэх нь зүйтэй гэж үзэж байна” гэж  дурджээ.

Түүнчлэн Үндэсний аюулгүй байдлын зөвлөл улсынхаа өмнөд хилийн аюулгүй байдлыг бэхжүүлэх, энэ нутагт  нислэггүй бүс байгуулах үүднээс Сирийн умард нутагт “Евфратын бамбай” нэртэй цэргийн ажиллагаа явуулах санал гаргасан байна.

Долдугаар сард болсон төрийн эргэлт хийх оролдлогын дараахнаар тогтоосон онц байдлыг гурван сараас илүү хугацаагаар сунгахгүй гэж Туркийн ерөнхий сайд Бинали Йылдырым мэдэгдэж байсан юм.