Германы цагдаа нар Мюнхен хотын вокзалаар дугуй унаж давхисан жүжигчин Арнольд Шварценеггерт сануулга өгсөн байна. Төмөр замын вокзалаар дугуй унан хурдалж явсан хоёр хүнийг цагдаа нар зогсоон олон хүнтэй газар хурдтай давхих осолтой тухай тайлбарлаж сануулга өгчээ.

Тэднээс биеийн байцаалтаа үзүүлэхийг хүсэхэд зөрчил гаргасан нэг дугуйчин нь өөрийгөө жүжигчин Шварценеггерийн бие хамгаалагч гэжээ. Цагдаа нар үүнд итгээгүй ч худлаа яриагүй гэдгийг нь өөрсдөө хараад ойлгосон гэнэ. Жүжигчин өөрийн үйлдэлдээ тайлбар хийхдээ хөл нь өвдөөд явган явахад бэрх байсан тул дугуй унасан гээд алдаагаа залруулахын тулд хамт сэлфи хийхийг санал болгоход цагдаа нар зөвшөөрсөн нь мэдээж. Үүний дараа Шварценеггер вокзалыг орхин гарахдаа дугуйгаа уналгүй хажуудаа түрж явсан тухай Мюнхен хотын цагдаагийн газар мэдэгдсэн байна.