Б.БАДРАЛ

Их Британи нь Европын холбооноос гарах ажиллагааг 2017 оны сүүлээр эхлүүлэх тухай тус улсын Ерөнхий сайд Тереза Мэй мэдэгдлээ. Европын холбооны тухай гэрээнд нэмэлт оруулсан Лиссабоны тохиролцооны 50 дахь заалтын дагуу ямар ч улс тус холбооноос гарах шийдвэр гаргах эрхтэй. Энэ тухайгаа албан ёсоор мэдэгдээд, шийдвэр гаргаснаас хойш гарах ажиллагаа хоёр жил үргэлжилж болно гэсэн байдаг. Тэгэхээр 2017 оны сүүлээр Европын холбоог орхиж байгаагаа албан ёсоор мэдэгдээд 2019 оны сүүлээр Их Британи ба Умард Ирландын нэгдсэн вант улс нь Европын холбооны гишүүн байхаа болино.

Тереза Мэйгийн өмнөх Ерөнхий сайд Дэвид Кэмерон нь британичуудыг тус холбооны гишүүн байх хатуу эрмэлзэлтэй гэдгийг харуулж чадвал нэг талаас Европын холбоон доторх Их Британийн онцгой эрх, нөгөө талаас Их Британи дахь өөрийн намын нэр төр ба албан тушаалд нь онцгой сайн гэж тооцсон юм. Үүний тулд тэрээр Их Британий иргэдийн дунд Европын холбооноос гарах уу эсвэл үлдэх үү гэсэн санал асуулга явуулаад бүтэлгүйтсэн. Үр дүнд нь Их Британи Европын холбооноос гарахаар болж, Дэвид Кэмерон Ерөнхий сайдын албан тушаалаасаа огцорсон.