Б.БАДРАЛ

Америкийн Ерөнхийлөгчийн сонгуулийн хамгийн сүүлийн, гурав дахь удаагийн мэтгэлцээн Лас Вегаст болж өндөрлөлөө. Хамгийн сүүлийн мэтгэлцээн ялагч хэн болохыг харуулах, сонголт хийлгүй эргэлзэж байгаа хүмүүсийг татах сүүлийн боломж байдаг тул энэ мэтгэлцээнийг хамгийн олон хүн үзэж сонирхдог. Тиймээс нэвтрүүлэг дууссаны дараа уламжлал ёсоор хийгддэг шуурхай санал асуулгаар үзэгчид хэнд нь илүү санал өгснийг хоёр нэр дэвшигч төдийгүй сонгогчид ихэд анхааралтай ажигладаг. Энэ удаагийн мэтгэлцээний дараагаар “CNN” суваг нь “Opinion Research Corporation”-той хамтран үзэгчдийн дунд санал асуулга явуулахад хамрагдсан хүмүүсийн 52 хувь нь Хиллари Клинтон ялсан гэж хариулсан бол 39 хувь нь Трамп ялсан гэж үзжээ.
Өмнөх хоёр мэтгэлцээнд америкчуудын дийлэнх нь мөн л Хиллари Клинтоныг ялсан гэж үзсэн.