Сонгинохайрхан дүүрэгт МАН-аас нэр дэвшсэн Улсын аварга Долгорсүрэнгийн Сумъяабазар сонгуульд ялагдсанаасаа хойш багагүй шуугиан тариад байгаа билээ. Сонгуулийн тойргийн хороонд очиж ажилчдыг нь дарамталсан тухай мэдээлэл цахим ертөнцөд түгсэн. Тэр ч байтугай нутгийнхаа болон өөрийнхөө бэлтгэсэн бөхчүүдийг дагуулж очиж аархсан тухай ч яригдах болсон. Харин тэрээр ирэх ням гаригт болох санал хураалтад дорвитойхон бэлтгэж байгаа аж. Учир нь, өөрийгөө ялагдсан гол шалтгаан нь түүний өрсөлдөгч болох АН-аас нэр дэвшигч Л.Эрхэмбаяр, Эрдэнэчимэг нарыг сонгогчдод эд материал тараасан гэж хардаж байгаа гэнэ. Тиймээс эрхэм аварга маань, “Одоо санал хураалтад би ялах болно. Л.Эрхэмбаярыг мөнгө тараавал би ч гэсэн тараана. 20 мянгыг тараавал 40 мянгыг, 40 мянгыг өгвөл би 80 мянган төгрөг өгнө. Надад бөхийн буян бий. Мөн сайн эцгийн буя, сүмочин дүүгийн буян надад байгаа” гэж ярьсан гэнэ шүү. Ямартай ч мань аварга маань УИХ-ын гишүүн болохын тулд хамаг буянаа бусдад түгээхэд ч бэлэн байгаа бололтой.