Өндөр гэгээн Г.Занабазарын нэрэмжит Дүрслэх урлагийн музей өнгөрсөн хоёрдугаар сараас эхлэн “Урлагийг ойлгох нь” цуврал лекц зохион байгуулж, эхний лекцийг Монгол Улсын Соёлын гавьяат зүтгэлтэн Г.Аким гуай “Монголын хадны зургийн дүрслэлийн асуудал” сэдвээр уншсан билээ. Тэгвэл энэхүү цуврал лекцийн хүрээнд бурхан урлаач, судлаач Д.Тулга “Бурхан бүтээх аргын төрөл” сэдвээр маргааш лекц уншихаар болсон байна. Тэрээр Монголын бурхан шашны урлахуй ухааны дээд сургуулийг 1996 онд “Буддын гүн ухаан судлаач, шүтээн урлаач” мэргэжлээр, 2000 онд Гандантэгчинлэн хийдийн дэргэдэх Өндөр гэгээн Занабазарын нэрэмжит Монголын бурханы шашны дээд сургуулийг “Буддын гүн ухаан судлаач” мэргэжлээр төгсчээ. Эх бичиг, судлалын магистр, МУИС-ийн урлаг судлалын докторант, 2000 оноос хойш багшилж, эдүгээ МБШДС-д үндсэн багш, “Монголын Бурхан Шашны Урлагийн Зөвлөх” ТББ-ыг үүсгэн байгуулж өөрөө удирдах зөвлөлийн даргаар нь ажилладаг байна.