Энэ хөшөөг мэдэхгүй хүн дэлхий дээр байхгүй гэвэл хэтрүүлэг болохгүй байх. Эрх чөлөө, тусгаар тогтнолын хамгийн алдартай хөшөө ч гэсэн болно. Эрх чөлөөний хөшөө нэртэй энэхүү домогт хөшөөг олон нийтэд албан ёсоор танилцуулах ёслолын ажиллагаа  1886 оны энэ өдөр болсон байдаг.

АНУ-ын үүсэн байгуулагдсаны 100 жилийг ойг тохиолдуулан Францын Засгийн газраас хоёр орны найрамдал, нөхөрлөлийн бэлэг тэмдэг болгож Эрх чөлөөний хөшөөг бэлэглэсэн түүхтэй. Энэхүү зэс хөшөөг уран баримал Фредерик Бартольди бүтээсэн бол доторхи даацын хицийг нь алдарт Гюстам Эйфель тооцоолон гаргаж бүтээсэн байдаг. Эрх чөлөөний хөшөөг 1886 оны долдугаар сарын 17-нд Францын “Изери” уурын онгоц Нью-Йорк хотноо хүргэж ирсэн юм. Америкт авчрахын тулд хөшөөг 350 жижиг хэсэгт болгон задлаад 214 хайрцагт хийж авчирсан гэдэг. Авчирснаас нь хойш бүтэн дөрвөн сарын турш угсраад Вуд цайз байрласан арал дээрх шүүхийн байрны өмнө тусгайлан суурилуулсан гантиг тавцан дээр байршуулсан юм. Хожим нь Эрх чөлөөний хөшөөг байршуулсан арлыг Эрх чөлөөний арал гэж нэрлэх болсон билээ.