Саяхан болж өнгөрсөн Хэллоуины баяраар АНУ-ын Канзас хотын дутуу төрсөн хүүхдийн эмнэлгийн эмч сувиалгч нар сайн дурынхантай нийлээд дутуу төрөөд сэхээн амьдруулах тасагт байгаа хүүхдүүдийн аав ээжийг гайхшруулан баяруулахаар шийдэж нэгэн өвөрмөц бэлэг бэлтгэжээ.

Энэ хорвоод мэндэлсэн ч хамгийн хүнд үедээ байгаа бяцхан багачуудыг тэд хүүхдүүдийн хамгийн дуртай супер баатруудын өмсгөлөөр чимж эцэг эх, төрөл төрөгсөд болон ойр орчмынхныг баярлуулсан байна.

Энэ гайхамшигт санаа үйлдлийн ачаар бяцхан багачуудаа сахиж сэтгэл дэнслэн суугаа эцэг эх нь нуруун дээрээсээ хүнд ачаа аваад хаячихсан мэт баярлацгаасан гэнэ.

Энэ хорвоод мэндэлснээ ч мэдэхгүй, ээж аавыгаа ч танихгүй бяцхан жаалууд супер баатрууд, тансаг эрвээхэй болон бусад баатруудын хувцасаар гоёж аав ээждээ баяр баясгалан, итгэл найдвар авчирсан байна.