АНУ-ын ерөнхийлөгчид Ардчилсан намаас нэр дэвшсэн Хилари Клинтон өөрийн өрсөлдөгч Бүгд найрамдах намын нэр дэвшигч Дональд Трампаас гурван хувиар түрүүлж явна гэж хамгийн сүүлчийн санал асуулгаар гарчээ. Олон улсын социологийн Ipsos төв энэ судалгааны дүнг даваа гарагт дэлгэсэн байна.

Санал асуулгад оролцогсдын 45 хувь нь Хилари Клинтоныг дэмжиж байгагаа илэрхийлсэн бол 42 хувь нь тэрбумтан Трампыг дэмжиж байна гэжээ. Хамгийн сүүлчийн энэ судалгааны дүнд үндэслээд судалгааны энэ Ipsos төв болон Reuters агентлаг Хилари Клинтон Ерөнхийлөгчийн сонгуульд ялах магадлал 90 хувь байна гэсэн байна.

Таамаглалаар Хилари Клинтон төлөөлөн сонгогчдоос 303 санал авахаар байгаа бол Трамп 235 санал авахаар байгаа гэнэ. АНУ-ын төрийн тэргүүн болохын тул төлөөлөн сонгогчдын ердийн олонхи буюу 270 санал авахад л хангалттай юм.