Өмнөд Курилын арлууд дээр Оростой хамтран эдийн засгийн үйл ажиллагаа явуулах хувилбарыг Япон улс зөвшөөрөхөд хүнд байна гэж Японы Гадаад хэргийн яамны төлөөлөгч мэдэгдсэн байна. Тэрээр энэ сарын 19-нд Перуд болсон Ази Номхон далайн орнуудын дээд хэмжээний уулзалтын үеэр Япон, ОХУ-ын уулзалтын үр дүнгийн талаар мэдээлэхдээ ингэж хэлжээ.

Өмнөд Курилын арлууд дээр хамтран хэрэгжүүлэх төслийн тухайд тэрээр “Тийм ч амархан зөвшөөрчихөөр хувилбар биш” гэсэн байна. Тэр бас хэргийн гол нь хамтарсан төсөл хөтөлбөрийг Оросын бүрэн эрхийн хүрээнд хэрэгжүүлэх гэж байгаа юм гэжээ. Владимир Путин Өмнөд Курилын арлуудыг оросын газар нутагт гэснийг Японы тал дипломат сувгаар тодруулах болно гэж мэдэгдсэн байна.

ОХУ-ын ерөнхийлөгч Владимир Путин Ази Номхон далайн орнуудын дээд хэмжээний уулзалтад оролцох үеэрээ Лимад сэтгүүлчидтэй ярилцахдаа Курил нь Дэлхийн хоёрдугаар дайны үр дүнд Оросын салшгүй газар нутаг болсон юм гээд хэлчихсэн юм байна. Ийм л учраас Оросын тал энэ асуудлаар Японы талтай төрөл бүрийн хувилбар ярьж байгаа юм гэж Путин тэмдэглэжээ.