“Miss World 2016” буюу Дэлхийн мисс шалгаруулах тэмцээн АНУ-ын Вашингтон хотноо энэ сарын 26-наас ирэх сарын 18-ны хооронд болно. Тус тэмцээнд эх орноо төлөөлөн загвар өмсөгч, мисс А.Баярцэцэг оролцох гэж буй бөгөөд маргааш АНУ-ыг зорихоор болжээ. Түүнийг гаргаж өгөх, үдэлтийн арга хэмжээ болж, салбар бүрийн төлөөлөл цуглан А.Баярцэцэгт гарын бэлгээ гардуулж, амжилт хүссэн. Эдгээр бэлгэн дундаас хамгийн содон нь Мандухай сэцэн хатны дүрийг бүтээсэн Төрийн шагналт жүжигчин Н.Сувд Мандухай хатны дүрд тоглохдоо хэрэглэж байсан гоёл байв.
Энэ талаар А.Баярцэцэг албан ёсны хуудсандаа “Хамгийн хайрладаг хүндэлдэг хүнээсээ ийм сайхан бэлэг авна гэдэг нэр төрийн хэрэг. Таны бэлэглэсэн Мандухайн гоёлоор Дэлхийн мисст гоёх болноо Сувд эгчээ. Үдэлтийн хүлээн авалтад маань өчүүхэн намайг тоож ирсэнд баярлалаа. Дүү нь хичээнэ ээ” хэмээн бичжээ.
