Соёмбо үсэг бол монголчуудын бичиг үсэг, үндэсний соёл, сэтгэлгээний онцгой чухал өв билээ. Мөн соёмбо үсгээс гаралтай Соёмбо титэмийг монголчууд өөрсдийнхөө эрх чөлөө, тусгаар тогтнолын бэлгэ тэмдэг болгон шүтсээр ирсэн. Тиймээс Өндөр гэгээн Г.Занабазарын Соёмбо үсэг гийсний 330 жилийн ойд зориулан ШУА-ийн Философийн хүрээлэн, Г.Занабазарын нэрэмжит Дүрслэх урлагийн музей хамтран, Өвөрхангай аймгийн Засаг даргын тамгын газрын дэмжлэгтэйгээр “Соёмбо судлал: оюун сэтгэлгээ, бичиг соёл” нэртэй эрдэм шинжилгээний бага хурал зохион байгуулах гэж байна.

Энэхүү хурал нь Соёмбо судлалыг хөгжүүлэх, энэ чиглэлийн судлаач, эрдэмтдийн эрдэм судлалын хамтын ажиллагааг нэмэгдүүлэхэд чухал ач холбогдолтой юм. Түүнчлэн “Соёмбо”-ын утга учир, бэлгэдлийг олон нийтэд таниулах, төрийн бэлгэдлээ хүндлэн дээдлэх уриалга болно хэмээн зохион байгуулагчид нь үзсэн юм.