Хятадын зүүн нутгийн Зянси мужийн Фэнчэн хотод барьж байсан цахилгаан станцын барилгын цамхгийн хийц нурснаар амь үрэгдсэн хүний тоо 74 хүрлээ хэмээн ТАСС агентлаг мэдээллээ.

Пүрэв гарагийн орой болсон ослоор анх барилгын гадуурх шат гүүрэн дээр ажиллаж байсан 68 хүн амь алдлаа гэж мэдээлсэн юм. Амь алдагсдын дийлэнх нь залуу барилгачид байсан гэж хятадын төв телевиз дамжуулжээ.

БНХАУ-ын дарга Си Зиньпин тухайн мужийн эрх баригчдад ослын шалтгааныг аль болох хурдан хугацаанд тогтоохыг үүрэг болгосон байна.