Испанийн нийслэл Мадрид хотын Кубын ЭСЯ-ны дэргэд Фидель Кастрог дэмжигчид болон эсэргүүцэгчид цугларсан нь сүүлдээ мөргөлдөөн болж хувирчээ. Кастрог дэмжигчид Кубын болон Испанийн коммунист намын далбаа барин “Куба, Фидель, Че Гевар мандтугай” гэсэн уриа хашгирчээ.

Харин эсэргүүцэгчдийн дунд байсан Кубад төрсөн хүмүүс Кастрогийн улстөрийн дэглэмийн эсрэг үг хэлж, уриа хашгирч байв. Үүнээс үүдэн бие биеэ гутаасан үг хэлсний улмаас харилцан зодолджээ. Үймээнийг цагдаагийнхан зохицуулж, цуглааныг тараахад хүрсэн байна.