НӨАТ суутган төлөгчийн босгыг 50-иас 400 сая төгрөг болгож, бизнесийг идэвхжүүлнэ
Б.Сэмжидмаа: “Сүүн дархлаа” хөтөлбөрийн хүрээнд фермер эрхлэгч ААН-үүдийг хөнгөлөлттэй зээлд хамруулна
Стратегийн ордын үр өгөөжийн 60-аас доошгүй хувийг ард иргэдэд хүртээх боломж бүрдэж байна
Франц Улстай хөгжүүлж буй харилцааг стратегийн түншлэлийн түвшинд хүргэх эрмэлзлээ Ерөнхий сайд илэрхийллээ
Скүтер, мопед, суррон, цахилгаан дугуйтай холбоотой 5431 зөрчлийг илрүүлжээ
Засгийн газрын гадаад зээл 35 их наяд төгрөг буюу ДНБ-ий 39 хувьтай тэнцжээ
Н.Номтойбаяр: Бүсчилсэн хөгжлөөр Багануур дүүргийг төв, зүүн, говийн бүсийн эдийн засгийн гол зангилаа цэг болгон хөгжүүлнэ
Зүүн бүсийн хөдөө аж ахуй эрхлэгчдийн уулзалт, хэлэлцүүлэг болж байна
Улсын дугааргүй тээврийн хэрэгсэлтэй замын хөдөлгөөнд оролцохыг хориглоно
Улаанбаатар марафоны 1.5, 5 км-т гүйгчдэд энгэрийн дугаар олгож эхэллээ
Барак Обама сүүлийн илгээлт үгээ Доналд Трампт “хаяглажээ”
Б.СУВД
АНУ-ын Ерөнхийлөгч Барак Обама өчигдөр үндэсний аюулгүй байдлын талаархи сүүлийн илгээлт үгээ хэлсэн байна. Энэхүү илгээлтдээ тэрээр өнгөрсөн найман жилийн хугацаанд үндэсний аюулгүй байдлын талаар баримталж байсан бодлого, түүний алдаа дутагдлыг ярьжээ. Үүндээ тэрээр АНУ-ын дараагийн Ерөнхийлөгч Доналд Трампын нэрийг нэг удаа дурдаагүй ч түүнд хэлэх захиас болон санамжуудаа бичсэн байна. Тухайлбал, терроризмтой тэмцэх стратеги цаашид хүндхэн үр дагаварт хүргэж болзошгүй талаар дурдсан нь дараагийн Ерөнхийлөгчид өгсөн анхааруулга байлаа хэмээн хэвлэлүүдэд бичжээ.
Тодруулбал, Ерөнхийлөгчийн сонгуулийн кампанит ажлын явцад мэдээлэл олж авахын тулд эрүүдэн шүүх аргыг ашиглах, Гуантанамогийн цэргийн шоронг дахин сэргээх зэрэг санаачилга гарч байсан нь АНУ-ын үндэсний аюулгүй байдалд хохирол учруулж болзошгүй хэмээн тэрээр илтгэлдээ онцлон анхааруулсан байна. АНУ-ын дараагийн Ерөнхийлөгчөөр сонгогдоод байгаа Доналд Трамп сонгуулийн кампанит ажлынхаа явцад эдгээр амлалтыг өгч байсан юм. Тэрээр терроризмын эсрэг тэмцэхийн тулд эрүүдэн байцаан шүүх аргыг нутагшуулах хэрэгтэй хэмээн үзэж, энэ нь АНУ-д мусульман шашинтнуудыг хориглох хамгийн зөв арга хэмээн хэлж байсан юм. Харин Барак Обама энэ аргыг хэтэрхий түрэмгий гэдгийг дурдаад, эрүү шүүлтээр ял тулгах нь буруу хэмээжээ.
Барак Обама “Гуантанамо дахь шорон бол АНУ-ын үндэсний бахархал дээр дуссан бэх” гэдгийг хэлээд Гуантанамо шоронд алан хядагчдыг байршуулж, тэдгээрт ял тулгахын тулд эрүүдэн шүүх нь террористуудыг улам их “хилэгнүүлнэ” гэв. Тус шоронг дахин сэргээн ажиллуулах нь эмгэнэлт алдаа болно гэдгийг ч анхааруулжээ. Тиймээс Гуантанамо дахь шоронг хаах санаачилга цаашид ч үргэлжлэх ёстой. Тэрээр цааш нь “Удаан хугацаанд хуулийг сахин дээдэлсэн нь бидний сул тал биш. Энэ бол бидний агуу хүч” гээд “Алан хядагчдын гол зорилго нь бидний хэн бэ гэдэг жинхэнэ мөн чанар болон ардчиллыг өөрчилж биднийг айлгах явдал юм. Ард түмэн болон үндэстэн айдаст хөтлөгдсөн үедээ хэзээ ч сайн шийдвэр гаргадаггүй” гэлээ.
Мөн тэрээр өнгөрсөн найман жилийн хугацаанд үндэсний аюулгүй байдлын тэргүүлэх чиглэл дутмаг байсныг хүлээн зөвшөөрчээ. Барак Обама “Ирак, Афганистанд цэрэг оруулж, Осама бин Ладеныг хороосон зэрэгтэй дүйх үйл явдал өнгөрсөн найман жилийн хугацаанд болоогүй. Гэхдээ терроризмын аюул нэмэгдэж, Исламын улс бүлэглэл Европт заналхийлж АНУ шинэ сорилттой тулгарсан”. Бид ахиц дэвшил гаргахын тулд ажилладаггүй. Бид улс орныг аюулгүй байлгахын төлөө ажилладаг” хэмээн онцлоод өнгөрсөн найман жилийн хугацаанд үндэсний аюулгүй байдлын төлөө хийсэн бүхнээрээ бахархах ёстойг цэргийнхэнд хэлжээ. Улс орон аюулгүй байхад бүх цэргийн оролцоо чухал байсныг тэмдэглээд, тэдэнд талархал илэрхийлсэн байна. Мөн тэрээр “АНУ цаашид террорын аюул заналыг бууруулах, урт хугацаанд тогтвортой байж чадах ухаалаг стратеги баримтлах хэрэгтэй” хэмээн дараагийн Ерөнхийлөгчид сануулжээ.
Б.СУВД
АНУ-ын Ерөнхийлөгч Барак Обама өчигдөр үндэсний аюулгүй байдлын талаархи сүүлийн илгээлт үгээ хэлсэн байна. Энэхүү илгээлтдээ тэрээр өнгөрсөн найман жилийн хугацаанд үндэсний аюулгүй байдлын талаар баримталж байсан бодлого, түүний алдаа дутагдлыг ярьжээ. Үүндээ тэрээр АНУ-ын дараагийн Ерөнхийлөгч Доналд Трампын нэрийг нэг удаа дурдаагүй ч түүнд хэлэх захиас болон санамжуудаа бичсэн байна. Тухайлбал, терроризмтой тэмцэх стратеги цаашид хүндхэн үр дагаварт хүргэж болзошгүй талаар дурдсан нь дараагийн Ерөнхийлөгчид өгсөн анхааруулга байлаа хэмээн хэвлэлүүдэд бичжээ.
Тодруулбал, Ерөнхийлөгчийн сонгуулийн кампанит ажлын явцад мэдээлэл олж авахын тулд эрүүдэн шүүх аргыг ашиглах, Гуантанамогийн цэргийн шоронг дахин сэргээх зэрэг санаачилга гарч байсан нь АНУ-ын үндэсний аюулгүй байдалд хохирол учруулж болзошгүй хэмээн тэрээр илтгэлдээ онцлон анхааруулсан байна. АНУ-ын дараагийн Ерөнхийлөгчөөр сонгогдоод байгаа Доналд Трамп сонгуулийн кампанит ажлынхаа явцад эдгээр амлалтыг өгч байсан юм. Тэрээр терроризмын эсрэг тэмцэхийн тулд эрүүдэн байцаан шүүх аргыг нутагшуулах хэрэгтэй хэмээн үзэж, энэ нь АНУ-д мусульман шашинтнуудыг хориглох хамгийн зөв арга хэмээн хэлж байсан юм. Харин Барак Обама энэ аргыг хэтэрхий түрэмгий гэдгийг дурдаад, эрүү шүүлтээр ял тулгах нь буруу хэмээжээ.
Барак Обама “Гуантанамо дахь шорон бол АНУ-ын үндэсний бахархал дээр дуссан бэх” гэдгийг хэлээд Гуантанамо шоронд алан хядагчдыг байршуулж, тэдгээрт ял тулгахын тулд эрүүдэн шүүх нь террористуудыг улам их “хилэгнүүлнэ” гэв. Тус шоронг дахин сэргээн ажиллуулах нь эмгэнэлт алдаа болно гэдгийг ч анхааруулжээ. Тиймээс Гуантанамо дахь шоронг хаах санаачилга цаашид ч үргэлжлэх ёстой. Тэрээр цааш нь “Удаан хугацаанд хуулийг сахин дээдэлсэн нь бидний сул тал биш. Энэ бол бидний агуу хүч” гээд “Алан хядагчдын гол зорилго нь бидний хэн бэ гэдэг жинхэнэ мөн чанар болон ардчиллыг өөрчилж биднийг айлгах явдал юм. Ард түмэн болон үндэстэн айдаст хөтлөгдсөн үедээ хэзээ ч сайн шийдвэр гаргадаггүй” гэлээ.
Мөн тэрээр өнгөрсөн найман жилийн хугацаанд үндэсний аюулгүй байдлын тэргүүлэх чиглэл дутмаг байсныг хүлээн зөвшөөрчээ. Барак Обама “Ирак, Афганистанд цэрэг оруулж, Осама бин Ладеныг хороосон зэрэгтэй дүйх үйл явдал өнгөрсөн найман жилийн хугацаанд болоогүй. Гэхдээ терроризмын аюул нэмэгдэж, Исламын улс бүлэглэл Европт заналхийлж АНУ шинэ сорилттой тулгарсан”. Бид ахиц дэвшил гаргахын тулд ажилладаггүй. Бид улс орныг аюулгүй байлгахын төлөө ажилладаг” хэмээн онцлоод өнгөрсөн найман жилийн хугацаанд үндэсний аюулгүй байдлын төлөө хийсэн бүхнээрээ бахархах ёстойг цэргийнхэнд хэлжээ. Улс орон аюулгүй байхад бүх цэргийн оролцоо чухал байсныг тэмдэглээд, тэдэнд талархал илэрхийлсэн байна. Мөн тэрээр “АНУ цаашид террорын аюул заналыг бууруулах, урт хугацаанд тогтвортой байж чадах ухаалаг стратеги баримтлах хэрэгтэй” хэмээн дараагийн Ерөнхийлөгчид сануулжээ.
0 Сэтгэгдэл
