Саяхан Оросын алдарт дуучин Филипп Киркоров охиноо адисласан. Алла-Виктори хорвоод мэндлээд долоон сар болж байгаа ч Киркоров ахиад нэг хүүхэдтэй болсноо албан ёсоор зарласан байна.
Софид хийсэн тоглолтынхоо үеэр Филипп хүүтэй болсон гэдгээ баярын нулимстай нүдтэй зарлан “4.2 кг 58 см төрсөн шүү” хэмээн үзэгчдэд гайхуулав.
Баярласан аав тоглолтынхоо дараа дотно найз нөхдийнхөө дунд томоохон хүлээн авалт хийжээ. Папарацциуд хүүдээ өгөх нэрийг нь аль хэдийнэ олчихож. Мартин-Кристо гээд өөрийн хайртай дуучин Рики Мартины Мартин нэрийг аваад Болгар цустай гэдгийг нь илэрхийлэн Кристо гэж нэрлэнэ гэжээ. Одоогоор поп одын хүүгийн ээж нь хэн бэ гэдэг нь тодорхойгүй байна. Тээгч эх гэсэн таамгаас өөр зүйл алга гэнэ.