Туркийн Стамбул хотын шөнийн клубт зэвсэглэсэн этгээд гал нээж олон хүний амь хөнөөх үеэр америкийн иргэн Жейк Раакийн амийг халаасанд байсан гар утас нь аварчээ.  Шархадсан эрийн ахын нь хэлснээр бол алан хядагчийн сум түүний гуянд тусч артерийн гол судасыг нь онох байж. Азаар халаасанд байсан гар утсанд нь туссан сум өвдгөнд нь туссанаар тэр шархдаад үлдсэн байна.

Жейк Раак шархадсаныхаа дараа шалан дээр үхсэн мэт хэвтсэнээр амьд гарсан гээд “Алуурчин намайг буудсаны дараа би хэвтээд огт хөдлөөгүй. Аль болох тайван байхыг хичээсэн минь тус болсон “ гэж ярьжээ.

Шинэ жилийн үдэш Стамбулын Reina шөнийн клубт алан хядагч гал нээж 39 хүний амь бүрэлгэн 69 хүнийг шархдуулсан юм. Хядлагын хариуцлагыг “Лалын улс” зэвсэгт бүлэглэл хүлээсэн ч алуурчин өнөө болтол олдоогүй байгаа юм.