Балканд дайн өдүүлэх гэж лалын 400 алан хядагч аль хэдийнээ Косовод ирээд Европт тэнэж явна гэж хэвлэлүүд мээдэллээ. Энд 2012 оноос хойш лалын ертөнц, алан хядагчидын тухайд яригдаад байсан Лавдрим Мухаджери гэгчийн тухай яригдах болж байгаа юм. Түүний харгис үйлдэл, энд тэнд хийсэн зэвсэгт халдлагын тухай олон баримт бий. Европт болсон аймшигт олон халдлага, дэлбэрэлтийн ул мөрийг ч түүнтэй холбож үздэг. 2016 оны гуравдугаар сард Белгид болсон халдлагыг ч цагдаагийнхан  түүнтэй холбож үздэг. Тэр үед 38 хүн амь үрэгдэхэд хууль сахиулагчид энэ бол алан хядагч “Лалын улс” зэвсэгт бүлэглэлтэй холбоотой ажиллагаа гээд энэ нь Францад, Германд болсонтой адил ажиллагаа гэж үзсэн.

Энэ  бүхнээс үндэслээд британийн "Дейли Мейл" хэвлэл Сирид болж байгаа үйл явдлаас болоод косовогийн албани Лавдрим Мухаджерийн удирдлага дор хамгийн багаар бодоход Сирийн 400 лалын алан хядагч  дайчин Европт ирээд байна гэж мэдээлж байна. Эдний ихэнх хэсэг нь Косовогоор дамжин хууль бус худалдаа хийж, зарим нь хэдийнээ сурьшсан юм байна. Косово бол  Европ руу хууль бус, хар тамхины, хүний эрхтний, зэвсгийн наймаа үргэлжилж, жинхэнэ алан яхдагчдын наймааны зам болдог газар.

Өнгөрсөн 2016 онд гэхэд л Косово, хөрш Албанийн нутагт Балканийн нутаг дэвсгэрт халдлага үйлдэхээр зорьж явсан  20 гаруй  алан хядагчийг баривчилсан баримт байна.
Тэгэхээр энэ бүх алан хядагчдыг косовогийн албани гаралтай Лавдрим Мухаджери удирдаж байгаа гэж үзэж байгаа юм.
Италийн сэтгүүлчдийн олж авсан мэдээллээр бол түүний гол зорилго нь Балканы хойг дахь серб, албанчуудын хооронд зөрчил мөргөлдөөн үүсгэж хямрал дэгдээх юм гэнэ. 2013 онд Сирийн Хомс хотод омгуудын хооронд дайн эхлэхэд сэтгүүлч байшингийн ханан дээр албаниар “Эхлээд Сири, дараа нь Белград, дахиад Москва” гэж бичсэн байсныг харснаа бичсэн байдаг.

Лалынхан ч Балканы хойг тун удахгүй өөрсдийн нь эзэмшилд орно гэдгийг нуудаггүй. Энэ алан хядагч Лавдрим Мухаджери ч 2012 оноос Сирид очиж алан хядагчдын эгнээнд нэгдсэнээ илэн далангүй ярьдаг. Тэр 2013 онд эх орондоо байсан ч тусгай албад анзаараагүй өнгөрөөсөн юм байна. Одоо харин Европт суурьшсан түүнийг алан хядагчид бүх Европыг эзлэхэд гол түшиг тулгуур гэж үзэж байгаа юм байна.

Энэ бүхнээс үүдээд энэ аймшигт алан хядагчтай дүрвэгсдийн дүрээр европт орж ирсэн хамгийн багаар бодоход 400 гаруй алан хядагч холбоотой байж өнөөдөр европын улс орнуудад гарсаар байгаа аймшигт халдлага үргэлжилж мэдэх юм гэж хэвлэлүүд бичиж байна.