НӨАТ суутган төлөгчийн босгыг 50-иас 400 сая төгрөг болгож, бизнесийг идэвхжүүлнэ
Б.Сэмжидмаа: “Сүүн дархлаа” хөтөлбөрийн хүрээнд фермер эрхлэгч ААН-үүдийг хөнгөлөлттэй зээлд хамруулна
Стратегийн ордын үр өгөөжийн 60-аас доошгүй хувийг ард иргэдэд хүртээх боломж бүрдэж байна
Франц Улстай хөгжүүлж буй харилцааг стратегийн түншлэлийн түвшинд хүргэх эрмэлзлээ Ерөнхий сайд илэрхийллээ
Скүтер, мопед, суррон, цахилгаан дугуйтай холбоотой 5431 зөрчлийг илрүүлжээ
Засгийн газрын гадаад зээл 35 их наяд төгрөг буюу ДНБ-ий 39 хувьтай тэнцжээ
Н.Номтойбаяр: Бүсчилсэн хөгжлөөр Багануур дүүргийг төв, зүүн, говийн бүсийн эдийн засгийн гол зангилаа цэг болгон хөгжүүлнэ
Зүүн бүсийн хөдөө аж ахуй эрхлэгчдийн уулзалт, хэлэлцүүлэг болж байна
Улсын дугааргүй тээврийн хэрэгсэлтэй замын хөдөлгөөнд оролцохыг хориглоно
Улаанбаатар марафоны 1.5, 5 км-т гүйгчдэд энгэрийн дугаар олгож эхэллээ
Кеннедигийн охин нутаг буцлаа
Б.СЭВЖИДМАА
АНУ-ын 35 дахь Ерөнхийлөгч Жон Кеннедигийн охин Каролин Кеннеди гурван жил Япон улсад Элчин сайдаар ажиллаад нутаг буцлаа.
Б.Обамаг сонгуульд үнэнчээр дэмжиж, хандив босгоход хувь нэмрээ оруулсны хариуд Элчин сайдаар томилогдон Японыг зорьсон Каролин Кеннедиг Наран улсад ирэхэд япончууд Холливудын од мэт угтан авч байсан билээ. Түүнийг 2013 оны арваннэгдүгээр сард анх эзэн хаанд итгэмжлэх жуух бичгээ өргөн барихаар ирэх үед хэдэн мянган хүн зам дагуу зогсон угтан авч, NHK-гээр шууд дамжуулж байв. Цуутай Ерөнхийлөгчийн охиныг дипломат төлөөлөгчөөр томилогдон ирсэнд япончууд ихэд талархалтай хандаж, эхний зургаан сард АНУ-ын ЭСЯ бэлгэнд дарагдаж өнгөрсөн гэдэг. Бас түүнийг элдэв арга хэмжээнд оролцуулах гэсэн урилга тасралтгүй ирж, үйл ажиллагааны хүрээ нь өргөжсөнөөс ЭСЯ-ны төсвийн дарамт нэмэгджээ.
Одоо 59 настай Каролин Кеннеди Манхаттэн дэх гэртээ эргэж ирсэн бөгөөд цаашдын төлөвлөгөө нь тодорхойгүй байна. Жон Кеннеди, Жаклин Кеннеди Онассис гээд АНУ-ын түүхэнд нэртэй хоёр хүнээс өдгөө үлдэж хоцорсон ганц хүүхэд нь болох Каролин хууль, улс төрөөр дагнахын зэрэгцээ буяны үйлсэд оролцож, Кеннедигийн гэр бүлийн нэрийн өмнөөс хөрөнгийн бүх шийдвэрийг гаргаж, ном бүтээл гаргах эрхийг эзэмшдэг юм. Нью-Йорк, Чикаго, Вашингтон болон Кайман аралд үл хөдлөх хөрөнгөтэй Каролин хатагтайн нэр дээр 60-200 сая ам.долларын хөрөнгө бий хэмээн Элчин сайдаар томилогдох үед нь мэдээлж байсан. Элит гэр бүлээс гаралтай нэр хүндээ ашиглан Каролин Японд байх хугацаанд сүлжээ үүсгэх тал дээр амжилттай ажилласан гэж ажиглагчид үнэлж байна. Түүний үед Б.Обама Японд түүхэн айлчлал хийж, Хирошимад зочилсны зэрэгцээ хэдхэн сарын өмнө Шинзо Абэ АНУ-ын Сувдан эрэгт зочилсон нь хоёр улсын харилцаанд том дэвшил болсон билээ.
АНУ-ын 35 дахь Ерөнхийлөгч Жон Кеннедигийн охин Каролин Кеннеди гурван жил Япон улсад Элчин сайдаар ажиллаад нутаг буцлаа.
Б.Обамаг сонгуульд үнэнчээр дэмжиж, хандив босгоход хувь нэмрээ оруулсны хариуд Элчин сайдаар томилогдон Японыг зорьсон Каролин Кеннедиг Наран улсад ирэхэд япончууд Холливудын од мэт угтан авч байсан билээ. Түүнийг 2013 оны арваннэгдүгээр сард анх эзэн хаанд итгэмжлэх жуух бичгээ өргөн барихаар ирэх үед хэдэн мянган хүн зам дагуу зогсон угтан авч, NHK-гээр шууд дамжуулж байв. Цуутай Ерөнхийлөгчийн охиныг дипломат төлөөлөгчөөр томилогдон ирсэнд япончууд ихэд талархалтай хандаж, эхний зургаан сард АНУ-ын ЭСЯ бэлгэнд дарагдаж өнгөрсөн гэдэг. Бас түүнийг элдэв арга хэмжээнд оролцуулах гэсэн урилга тасралтгүй ирж, үйл ажиллагааны хүрээ нь өргөжсөнөөс ЭСЯ-ны төсвийн дарамт нэмэгджээ.
Одоо 59 настай Каролин Кеннеди Манхаттэн дэх гэртээ эргэж ирсэн бөгөөд цаашдын төлөвлөгөө нь тодорхойгүй байна. Жон Кеннеди, Жаклин Кеннеди Онассис гээд АНУ-ын түүхэнд нэртэй хоёр хүнээс өдгөө үлдэж хоцорсон ганц хүүхэд нь болох Каролин хууль, улс төрөөр дагнахын зэрэгцээ буяны үйлсэд оролцож, Кеннедигийн гэр бүлийн нэрийн өмнөөс хөрөнгийн бүх шийдвэрийг гаргаж, ном бүтээл гаргах эрхийг эзэмшдэг юм. Нью-Йорк, Чикаго, Вашингтон болон Кайман аралд үл хөдлөх хөрөнгөтэй Каролин хатагтайн нэр дээр 60-200 сая ам.долларын хөрөнгө бий хэмээн Элчин сайдаар томилогдох үед нь мэдээлж байсан. Элит гэр бүлээс гаралтай нэр хүндээ ашиглан Каролин Японд байх хугацаанд сүлжээ үүсгэх тал дээр амжилттай ажилласан гэж ажиглагчид үнэлж байна. Түүний үед Б.Обама Японд түүхэн айлчлал хийж, Хирошимад зочилсны зэрэгцээ хэдхэн сарын өмнө Шинзо Абэ АНУ-ын Сувдан эрэгт зочилсон нь хоёр улсын харилцаанд том дэвшил болсон билээ.
0 Сэтгэгдэл
