"ЭРДЭНЭС ТАВАНТОЛГОЙ" ХК-ИЙН БҮХ ЦАГ ҮЕИЙН НҮҮРСНИЙ ЭКСПОРТЫН ХОНОГИЙН ДЭЭД ХЭМЖЭЭГ ШИНЭЧЛЭН ТОГТООЛОО
Алтан цомын барилдааныг М-Си-Эс Энержи , Апу скайтел багууд 46 даваагаар тэргүүлж байна
“Гермес” худалдааны төвийн нүхэн гарцын туннелийн их биеийн бүтээцийг түлхэх технологиор хийж дууслаа
“МУЗЕЙН ЭРДЭМ ШИНЖИЛГЭЭНИЙ АЖИЛ” СУРГАЛТ ЗОХИОН БАЙГУУЛАГДЛАА
Нэгдүгээр тойрог зам төсөл хэрэгжсэнээр хотын төвөөр дамжих тээврийн эрчим нэмэгдэнэ
Голомт банк Монголын Волейболын Холбоотой хамтран ажиллах гэрээг үзэглэлээ
НӨАТ-ын сугалааны тохирол маргааш явагдана
Гашуунсухайт–Ганцмод боомтын хил дамнасан төмөр замын төслийн барилга угсралтын ажил хэвийн үргэлжилж байна
Хүүхдийн тусламжийн 108 утсанд долоон хоногийн хугацаанд 1575 дуудлага иржээ
СХД-ийн 32 дугаар хороонд 280 хүүхдийн хүчин чадалтай бага сургууль, цэцэрлэгийн цогцолборыг ашиглалтад орууллаа
АНУ: Муслим шашинтнууд нэвтрэхийг хориглоно
Б.СЭВЖИДМАА
АНУ-ын Ерөнхийлөгч Д.Трамп үзэгнийхээ үзүүрээр 134 сая хүнийг АНУ-ын хилийн гадна “үлдээж” орхилоо. Тэрээр муслим шашинт долоон орны иргэдэд виз олгохыг түр хугацаагаар хориглолоо. 90 хоног үргэлжлэх тус хоригт багтсан орнууд нь Ирак, Сири, Иран, Ливи, Сомали, Судан, Иемен юм. 2013 оны Дэлхийн банкны тооцоогоор энэ долоон улс нийтдээ 134 сая хүн амтай. Дэлхийн долоон тэрбум хүн амаас 130 гаруй саяыг нь АНУ-ын нутаг дэвсгэрт нэвтрэхийг хориглосон эл шийдвэр зөвхөн эхлэл гэж Цагаан ордон мэдээлж байна. Өөрөөр хэлбэл, өөр улсын иргэдийг ч цаашид энэ хоригт багтаахаар төлөвлөж байгаа аж. Трамп Дотоодын аюулгүй байдлын сайддаа аль улс виз хүссэн иргэдийнхээ талаар хангалттай мэдээлэл өгдөггүйг 30 хоногийн дотор судлахыг үүрэг болгосон бөгөөд тийм улсуудыг дээрх хоригтоо нэмж багтаах бололтой.
“Америкийг аюулгүй байлгах” гэсэн ганцхан зорилготой, үүний тулд АНУ-ын нутаг дэвсгэрт гадаадын террорист нэвтрэхээс урьдчилсан сэргийлэх арга хэмжээ бол энэ хэмээн тайлбарлаж буй Трампын шийдвэр гадаадын иргэдэд хатуурхсан өөр хэд хэдэн шийдвэртэй зэрэг гарсан юм.
Тухайлбал, ирэх дөрвөн сарын хугацаанд аль ч улсын иргэдээс цагаачлал хүссэн өргөдөл хүлээн авахыг зогсоолоо. Энэ хугацаанд АНУ-ын Төрийн нарийн бичгийн дарга АНУ-д дүрвэгч, цагаачдын өргөдлийг хүлээн авах, хянах процессыг эргэн харж, судлах аж. Одоогийн процессоор бол АНУ-д цагаачлахыг хүссэн дүрвэгч хоёр жилийн хугацааны шалгалт давах ёстой гэсэн хатуу шалгууртай. Гэвч Д.Трамп дүрвэгсдэд тавих шалгуур хангалттай чанга биш, террористууд орж ирэх магадлалтай гэж үзэж байгаа юм. Д.Трампын бодлогын дагуу энэ онд АНУ төлөвлөсөн ёсоор 110 мянга бус түүнээс хоёр дахин бага буюу 50 мянган дүрвэгч хүлээн авч магадгүй байна. Тэрээр дүрвэгчдийг хүлээн авахдаа шашин шүтлэгийг нь нэн тэргүүнд харгалзаж үзнэ гэдгээ цохон тэмдэглэсэн.
Жишээлбэл, муслим шашинтай оронд амьдардаг ч христийн шашин шүтдэгээс болоод хавчлага шахалтад өртдөг иргэдийг хүлээж авахыг зөвшөөрнө, харин исламын шашинтай бол АНУ-ын босго давахгүй гэсэн үг юм. Тэр тусмаа Сирийн иргэдийн хувьд АНУ бүр хориотой улс болоод байна. Д.Трамп Сирийн нэг ч дүрвэгчийг хүлээн авахгүй гэдгээ онцлон дурдсан юм. Түүний хувьд Сирийн дүрвэгчийг хүлээн авах нь АНУ-д “Тройн морь”-ийг нэвтрүүлснээс өөрцгүй хэрэг гэж сонгуулийн кампанит ажлынхаа үеэр хэлж байсан. Тэрээр АНУ-д нэг ч муслим шашинтан нэвтрүүлэхгүй гэж хэлснээрээ кампанит ажлынхаа үеэр ихээхэн шүүмжлэл хүлээж байсан бол одоо хүссэн суудалдаа эзэн сууснаар өнөөх маргаан дагуулсан шийдвэрээ бодитойгоор гаргаж эхэллээ.
Б.СЭВЖИДМАААНУ-ын Ерөнхийлөгч Д.Трамп үзэгнийхээ үзүүрээр 134 сая хүнийг АНУ-ын хилийн гадна “үлдээж” орхилоо. Тэрээр муслим шашинт долоон орны иргэдэд виз олгохыг түр хугацаагаар хориглолоо. 90 хоног үргэлжлэх тус хоригт багтсан орнууд нь Ирак, Сири, Иран, Ливи, Сомали, Судан, Иемен юм. 2013 оны Дэлхийн банкны тооцоогоор энэ долоон улс нийтдээ 134 сая хүн амтай. Дэлхийн долоон тэрбум хүн амаас 130 гаруй саяыг нь АНУ-ын нутаг дэвсгэрт нэвтрэхийг хориглосон эл шийдвэр зөвхөн эхлэл гэж Цагаан ордон мэдээлж байна. Өөрөөр хэлбэл, өөр улсын иргэдийг ч цаашид энэ хоригт багтаахаар төлөвлөж байгаа аж. Трамп Дотоодын аюулгүй байдлын сайддаа аль улс виз хүссэн иргэдийнхээ талаар хангалттай мэдээлэл өгдөггүйг 30 хоногийн дотор судлахыг үүрэг болгосон бөгөөд тийм улсуудыг дээрх хоригтоо нэмж багтаах бололтой.
“Америкийг аюулгүй байлгах” гэсэн ганцхан зорилготой, үүний тулд АНУ-ын нутаг дэвсгэрт гадаадын террорист нэвтрэхээс урьдчилсан сэргийлэх арга хэмжээ бол энэ хэмээн тайлбарлаж буй Трампын шийдвэр гадаадын иргэдэд хатуурхсан өөр хэд хэдэн шийдвэртэй зэрэг гарсан юм.
Тухайлбал, ирэх дөрвөн сарын хугацаанд аль ч улсын иргэдээс цагаачлал хүссэн өргөдөл хүлээн авахыг зогсоолоо. Энэ хугацаанд АНУ-ын Төрийн нарийн бичгийн дарга АНУ-д дүрвэгч, цагаачдын өргөдлийг хүлээн авах, хянах процессыг эргэн харж, судлах аж. Одоогийн процессоор бол АНУ-д цагаачлахыг хүссэн дүрвэгч хоёр жилийн хугацааны шалгалт давах ёстой гэсэн хатуу шалгууртай. Гэвч Д.Трамп дүрвэгсдэд тавих шалгуур хангалттай чанга биш, террористууд орж ирэх магадлалтай гэж үзэж байгаа юм. Д.Трампын бодлогын дагуу энэ онд АНУ төлөвлөсөн ёсоор 110 мянга бус түүнээс хоёр дахин бага буюу 50 мянган дүрвэгч хүлээн авч магадгүй байна. Тэрээр дүрвэгчдийг хүлээн авахдаа шашин шүтлэгийг нь нэн тэргүүнд харгалзаж үзнэ гэдгээ цохон тэмдэглэсэн.
Жишээлбэл, муслим шашинтай оронд амьдардаг ч христийн шашин шүтдэгээс болоод хавчлага шахалтад өртдөг иргэдийг хүлээж авахыг зөвшөөрнө, харин исламын шашинтай бол АНУ-ын босго давахгүй гэсэн үг юм. Тэр тусмаа Сирийн иргэдийн хувьд АНУ бүр хориотой улс болоод байна. Д.Трамп Сирийн нэг ч дүрвэгчийг хүлээн авахгүй гэдгээ онцлон дурдсан юм. Түүний хувьд Сирийн дүрвэгчийг хүлээн авах нь АНУ-д “Тройн морь”-ийг нэвтрүүлснээс өөрцгүй хэрэг гэж сонгуулийн кампанит ажлынхаа үеэр хэлж байсан. Тэрээр АНУ-д нэг ч муслим шашинтан нэвтрүүлэхгүй гэж хэлснээрээ кампанит ажлынхаа үеэр ихээхэн шүүмжлэл хүлээж байсан бол одоо хүссэн суудалдаа эзэн сууснаар өнөөх маргаан дагуулсан шийдвэрээ бодитойгоор гаргаж эхэллээ.
0 Сэтгэгдэл
