1. Хамгийн олон хосыг гэрлүүлэх ёслол /104 хос/

2017 онд Энэтхэгт дэлхийн хамгийн олон хосыг нэгэн зэрэг гэрлүүлэх ёслол болсон байна. 104 хос Мадхья-Прадеш мужийн Удджайн хотод гэрлэсэн бөгөөд үүний төлөө тэд дэлхийн Гиннесийн номонд бүртгэгдсэн байна.
Энэтхэгийн Нийгмийн шударга ёс, хүний эрхийн сайд Тавар Чанд Гелотод гэрлэх ёслолыг зохион байгуулсан хотын захирагч нарт Гиннесийн төвөөс албан ёсны сертификатыг нь гардуулсан байна. Энэхүү ёслолд индус шашинт 77 хос, мусульман шашинт 26 хос, нэг синкх хос оролцсон гэнэ.


2. Альберт Эйнштейн шиг хувцаслаж нэг дор цугласан хамгийн олон хүн

2017 оны гуравдугаар сарын 28-нд алдарт эрдэмтэн шиг хувцасласан 404 хүн Торонто хотын төвд Гиннесийн номд бүртгүүлэхээр цугларчээ. Мэдээж бүгд хөгжилдөж, нэг өдрийг хамтдаа сайхан өнгөрүүлэхийн тулд цугласан бөгөөд “MaRS Discovery District” корпорацийн тусламжтайгаар хамтдаа флешмоб хийсэн байна.  Өмнө нь ийн нэг дүрд хувирч цугласан хүний тоо хамгийн олондоо 99 байсан гэнэ.
Энэхүү үйл ажиллагааны өөр нэг зорилго нь “Next Einstein” тэмцээнийг нээх. Шинжлэх ухааны энэхүү тэмцээн нь 2013 оноос эхлэн зохион байгуулагдсан бөгөөд задгай талбайд оролцогчдоос ирсэн төслийг танилцуулж, дэлхийн ирээдүйн сайн сайхны төлөө хамгийн шинэ төсөл хийж чадсан нь шилдгээр тодордог. Ялагч нь 10 мянган ам.долларыг өөрийнхөө мөрөөдлийг бодит болгох эхний хөрөнгө оруулалт болгон хүлээн авдаг.
Оролцогчид өөрсдийн хүсэлтээ дөрөвдүгээр сарын 25-ныг хүртэл өгч, 6 дугаар сарын 6-нд шилдгийг тодруулдаг.


3. Усан доорх хамгийн том хүн пирамид

Усан доогуур шумбагч 62 хүн жинхэнэ пирамид босгоход оролцож, бие биенийхээ мөрөн дээр гарч зогсчээ. Энэхүү оролдлогыг анх 2013 оны аравдугаар сарын 15-нд Таиланд орчмын Кох Тао аралд усан шумбагч Тайлер Райзер, Маноло Касабал, Жон Шаддика нар хийсэн байдаг.


4. Харри Поттерыг дууриаж хувцасласан хамгийн олон хүн

Харри Поттерт дэлхийн бүх хүн хайртай байдаг. Тэр байтугай томчууд түүний тухай номыг өнөөдөр ч унших дуртай. Тиймээс 521 хүн шидтэн хүүг дууриан хувцаслаж, бүх нийтийн флешмоб зохион байгуулсан. Шидтэн хүүгийн өмсдөг  шовгор оройтой малгай, Хогвартсын сургуулийн дүрэмт хувцас, Харри Поттерийн шилийг зүүсэн байна. 2015 оны гуравдугаар сард Харри Поттер номын баярт зориулан Баруун Сассекс гүнгийн Хоршам хотын Танбриж сургуулийнхан зохион байгуулжээ.

 
5. Каратэгийн олныг хамарсан үзүүлбэр /3973 хүн/

2016 оны 10 дугаар сарын 23-нд Японд болсон олон нийтийг хамарсан каратэгийн үзүүлбэрийг Окинава арлын Наха хотын төв талбайд зохион байгуулсан байна.  Тулааны урлагийн сургуулийн 3973 суралцагч энэ арга хэмжээнд оролцсон аж.
Окинава арлын уламжлалт каратэг хөгжүүлэх нийгэмлэгээс зохион байгуулж,бүхий л насны тулаанчдыг цуглуулжээ.

 
6. Хамгийн том инээмсэглэл (2 226 хүн)

Нью Жерси мужийн Махау цэцэрлэгт хүрээлэнд 2011 онд 2226 хүн цуглаж, хамгийн том инээмсэглэлийг бүтээжээ. Тэд өмнөх амжилтыг гурав нугалж, томруулан шинэчлэн тогтоожээ.  Үүнээс өмнө Хорватад хүмүүс өөрсдийн биеэр инээмсэглэл бүтээж байсан юм. Хэдийгээр анх үүнийг зохион байгуулахдаа Гиннесийн дээд амжилтын номонд бүртгүүлэх зорилго тавиагүй ч дээрээс нь авсан зургаа Гиннесийн төвд илгээснээр дээд амжилтын эзэд болсноо мэдсэн гэдэг.


7. Хүний бүтээсэн хамгийн том “тамхи татах хориотой” тэмдэг /13892 хүн/

2013 оны долдугаар сарын 28-нд Филиппинд хүний амьдралын зөв хэвшлийг сурталчлах ер бусын флешмобийг зохион байгуулсан байна. Хар, улаан, цагаан өнгийн цамц өмссөн Бикол их сургуулийнхан “тамхи татахыг хориглоно” тэмдгийг бүтээсэн байна. Жозеф Еспиритын зохион байгуулсан энэхүү арга хэмжээнд зөвхөн тус сургуулийнхнаас гадна төрийн албан хаагч, цэрэг, цагдаа, сайн дурынхан оролцсон байна.

 
8. Тасралтгүй үргэлжлэх солонгон гинж  /423 хүн/

2017 оны хоёрдугаар сард Мэйси их сургуулийн оюутнууд тасралтгүй үргэлжлэх солонгон өнгөт гинж бүтээж Гиннесийн номонд бүртгүүлсэн байна. Залуус нуруу нуруугаараа нийлж, гар гараараа хэлхэлдэн уртаас урт гинж бүтээжээ. Мэйси их сургуулийн 118 оюутныг 3-4 дахин нугалсан хүмүүс энэ арга хэмжээнд оролцсон байна.  Хөрш хотынхон ирж дээд амжилт тогтоох ажиллагаанд оролцжээ.


9. Хамгийн олон хүн дэрээр байлдаж тоглосон нь / 6261 хүн/

Америкийн “Му Pillow” компаниас сурталчилгааны нэгэн сонирхолтой арга хэмжээ зохион байгуулсан нь дэлхийн шинэ рекордыг тогтоосон байна. 2015 оны зургадугаар сард 6261 хүн Миннесота мужийн Сент Пол хотын төвд бүх нийтээрээ дэрээр байлдаж тоглосон гэнэ. Жил бүр “CHS Field”-ийн энэ талбайд бейсболын тэмцээн болдог юм.


10. Бүх нийтийг хамарсан дур тавилт  (250 хос)

Энэ бол Гиннесийн амжилтын номонд бүртгэгдээгүй зүйл. 2010 онд Японд дэлхийд ер бусын хачин үйл ажиллагаа болсон байн. 250 хос нэг газарт цугларч, эр эмийн ажил хийж, дур тавих үйл ажиллагаагаа бичүүлсэн байна.
Хосуудыг маш том агуулахад нэг дор цуглуулж, фото зураг авч, видеокамераар бичлэг хийжээ. Мэдээж нууцлалыг маш нарийн хадгална хэмээн энэхүү арга хэмжээг зохион байгуулсан биз.