Америкийн шинжээчид Умард Солонгос хэрэв пуужин харвавал тэр нь Хавайн арлуудын нутаг дэвсгэрт хүрнэ гэж үзэж байна. Америкийн цөмийн зэвсгийн шинжээч Денни Роя Умард Солонгосын пуужингийн сүрдүүлэг нь бодитой зүйл, пуужин нь америкийн нутаг дэвсгэрт хүрнэ гэж хэлж байна. Энэ бол Хавайн арал гэсэн үг гэснийг Daily Star хэвлэл иш татжээ. БНАСАУ цөмийн цэнэгтэй баллистик пуужингаа харваж энэ нь Хавайн нутаг дэвсгэрт унах юм бол хамгийн багаар бодоход 60 мянган хүн амь үрэгдэнэ, бас 65 мянган хүн янз бүрийн бэртэл авна гэж шинжээч хэлсэн байна.

Шинжээч Денни Роя бас хэрвээ Умард Солонгос орчин үеийн технологи эзэмших юм бол тэдний пуужин америкийн нөгөө эрэг ч хүрч чадна гэсэн байна. Хэрэв ингэх юм бол Нью-Йоркийн 200 мянгаас багагүй хүн амь алдах болно гэжээ.

Хэвлэлийн мэдээлснээр бол шинжээчийн ийм дүгнэлт гарсны дараа Хавайн засаг захиргаа АНУ-ын Холбооны захиргаанд хандаж хүн амыг хамгаалах байгууламж, хоргодох байр барих зардал гаргаж өгөхийг хүссэн байна.