Оросын иргэн, ОХУ-ын Төрийн Думын гишүүн Валерий Селезневын хүү  27 настай Роман Селезневыг кибер гэмт хэрэг үйлдсэн хэмээн Америкийн Вашингтон мужийн Сиэтл хотын Холбооны шүүх 27 жил шоронд хорих ялаар шийтгэлээ гэж the Seattle Times хэвлэл мэдээллээ.

АНУ-ын хууль сахиулагчид түүнийг 2014 онд Мальдивын арлуудад очих үеэр нь нисэх буудалд саатуулан  баривчлах үеэр Роман Селезневоос банкны картын 1,7 сая дугаар  гарсныг хулгайлсан болохыг нь мөрдөн байцаалтын явцад тогтоосон юм. Америкийн хуулийн байгууллага түүнийг ойролцоогоор санхүүгийн 37 мянган байгууллагад нийтдээ 170 сая долларын хохирол учруулсан гэж тогтоожээ.

Шүүх хурлын явцад Роман Селезнев өөрийн буруугаа бүрэн хүлээсэн байна. Тэрээр 11 хуудас захидал бичиж өөрийн мэдлэг туршлагаа кибер дайралт, интернетийн гэмт хэрэгтэй тэмцэх үйлст зориулахад бэлэн байгаагаа илэрхийлжээ.

Харин ОХУ-аас АНУ-д суугаа Элчин сайдын яам Роман Селезневыг баривчилсан, шүүсэн нь хууль бус гэж үзэж байгааг хэвлэлийн алба нь мэдээлжээ. Энд “Оросын иргэнийг баривчилсан нь хууль бус, түүнийг гурав дахь орны нугаас үндсэндээ хулгайлсан” гэж тэмдэглэсэн байна.