АНУ-ын ерөнхийлөгч Дональд Трамп БНАСАУ-ын тухай хаалттай ярилцахаар америкийн конгрессын дээд танхим Сенатын 100 гишүүнийг бүрэн бүрэлдхүүнээр нь Цагаан ордонд урилаа гэж ВВС мэдээллээ.
Энэ хаалттай ярилцлагад ерөнхийлөгч Трампаас гадна Батлан хамгаалахын сайд Жеймс Мэттис, Төрийн нарийн бичгийн дарга Рекс Тиллерсон нар байлцах юм байна.
Өнгөрсөн ням гарагт Дональд Трамп БНХАУ-ын дарга Си Зиньпинтэй утсаар ярих үед хятадын тэргүүн “Сонирхогч талууд Солонгосын хойгийн нөхцөл байдлыг хурцатгахгүй байхыг эрмэлзэнэ” гэсэн юм.
Дөрөвдүгээр сарын 23-нд АНУ-ын тэнгисийн црэг, Японы өөрийгөө хамгаалах хүчний хамтарсан хээрийн сургууль Номхон далайн баруун хэсэгт эхэлсэн юм.