“Америкийн империалистууд тавдугаар сарын 1-ний өдөр цөмийн тээвэрлэгч старатегийн бөмбөгдөгч В-1В нисэх онгоцоо Өмнөд Солонгосын агаарын зайд оруулан цөмийн бөмбөгөөр далайлган дахиад цэргийн өдөөн хатгалгаа үйлдлээ” гэснийг  БНАСАУ-ын төрийн гол хэвлэлээс иш татанСолонгосын мэдээллийн төв агентлаг дамжууллаа.

Энд “Америкийн империалистуудын цэргийн өдөөн хатгалга өдрөөс өдөрт улам эрчимжиж, ухаангүй болж байгаагаас Солонгосын хойгт цөмийн дайны тэсрэлтийн өмнөх хурцадмал байдал бий болгож байна” гэсэн байна.

Гэхдээ Умардын ЦТАК агентлагийн дамжуулсан энэ мэдэгдэлд “БНАСАУ-ын арми цөмийн илдээ бат атгаж, АНУ-ын өдөөх ямар ч дайнд бэлэн байна” гэж тэмдэглэжээ.

Өнгөрсөн тавдугаар сарын 1-нд Гуам аралд байрладаг АНУ-ын Тэнгисийн цэргийн  хүчний стратегийн бөмбөгдөгч хоёр B-1B Lancer онгоц Өмнөд Солонгосын орчмоор ниссэн юм. АНУ-ын Зэвсэгт хүчний Номхон далай дахь командлал үүнийгээ “БНАСАУ-ын эргэн тойрны асуудалтай, өөр ямар нэг улс орны бүс нутгийн байдалтай холбоотойгоор ерийн нэг  эргүүлийн нислэг байсан” гэж мэдэгдсэн юм.