Венесуэл даяар дөрөвдүгээр сарын 4-нөөс эхэлсэн эсэргүүцлийн хөдөлгөөний явцад нийт 35 хүн амь алдаж өөр 717 хүн бэртэж гэмтээд байна гэж тус улсын прокурорын газар мэдээлсэн байна.

Эдгээрээс 18 хүн нь нийслэл Каракаст амь алдсан бол зургаа нь Карабобод, тав нь Ларе, хоёрн ь Мерид болон Мирандед амь насаа алдсан бол Баринас, Тачирад тус бүр нэг хүн амь алдсан гэжээ. Амь алдагсдын дунд өсвөр насны хүүхэд 4, үндэсний гвардийн нэг дайчин, цагдаагийн нэг ажилтан байна гэж Universal сайт мэдээлсэн байна.

Хүмүүсийн амь алдсан, шархдаж бэртсэн хэргийг нэг бүрчлэн хянаж, шинжээч томилон ажиллуулж байгаа гэж Венесуэлийн прокурорын газар мэдэгдсэн байна.
Венесуэлийн Үндэсний ассамблей дахь сөрөг хүчний үйл ажиллагааг Дээд шүүх хязгаарласнаас үүдэн  сөрөг хүчний талынхан орон даяар гудамжинд гарч эсэргүүцлээ илэрхийлэн Шүүхийн гишүүдийг огцрох, хугацаанаас нь өмнө сонгууль явуулахыг шаардаж эхэлсэн юм.