Америкийн Миссисипийн Их сургуулийн анагаах ухааны төвийн хотхоны нутаг дэвсгэрт 7000 хүн оршуулсаны үлдэгдэл байгааг олж илрүүлсэн байна. Мэргэжилтнүүд үүнийг 1855-1935 оны хооронд энд байсан сэтгэцийн эмгэгтэй хүмүүсийн эмнэлгийн өвчтөнүүдийн цогцос байх гэж таамаглаж байна. Өвчтөнүүдтийг нас барахаар нь шууд энд нь оршуулж байсан бололтой.

Оршуулга нийтдээ найман га талбай эзэлж байгаа болохоор  эднийг нүүлгэн оршуулах юм уу, чандарлахад бараг урьдчилсан тооцоогоор 21 сая доллар шаардлагатай гэнэ. Албаныхан үүнээс өөр хямд төсөр ямар арга байгааг судалж байгаа юм байна.

Өөр нэг хувилбар нь их сургуулийнхан өөрсдийн хүчээр нүүлгэн шилжүүлж болох юм гэж байгаа ч үүнд бас л найман жилийн хугацаанд жил бүр 400 мянган доллар шаардлагатай болох гэнэ. Ийм зардлаар сургуулийнхан дурсгалын цогцолбор, мөн энд байгаа цогцос, эд зүйлийг оюутнууд судалж шинжлэхэд зориулсан лаборатор барихад зарцуулна гэж төсөөлж байгаа юм байна.