БНАСАУ-д нөлөөлөл үзүүлэхэд зориулан 100 хоног олгоод энэ хугацаандаа Вашингтон Умард Солонгосын эсрэг хатуу арга хэмжээ авахгүй байхыг БНХАУ-ын дарга Си Зинпинь  АНУ-ын ерөнхийлөгч Дональд Трампаас хүслээ гэж японы Asahi сонин мэдээллээ.

Япон америкийн эх сурвалжаас  авсан энэ мэдээлэлд америкийн тэргүүн Дональд Трамп БНАСАУ-ын гадаад худалдааны 90 хувийг Хятад эзэлж байгааг сануулаад  энэ нь Бээжингээс  Пеньянд шахалт үзүүлэх гол шижим болно гэсэн юм байна.
Трампын энэ мэдэгдэлд БНХАУ-ын дарга Си Зиньпин АНУ-г БНАСАУ-ын эсрэг энэ хатуу арга хэмжээнүүдээ тэвчинэ үү гээд Умард Солонгосын улс төрийн бодлогыг өөрчлөхийн төлөө бүхий л хүчээ дайчлан ажиллахыг хичээж байна гэсэн юм байна.

Трамп, Си Зиньпин хоёр Пеньяны зүгээс  томоохон өдөөн хатгалга хийгээд байх юм бол Умард Солонгосын эсрэг хатуу арга хэмжээ авах нөхцөл, болзлын талаар ярилцаж тохирсон гэнэ. Хятадын санал болгоод байгаа 100 хоног нь долдугаар сард дуусна. Энэ хугацаа дуусахад Трамп, Си Зиньпин хоёр Германд болох “Их 20”-ийн дээд хэмжээний уулзалтын үеэр уулзах юм.