Японд хэт халуун болж байгаагаас болж ганцхан долоо хоногт 1000 гаруй хүн эмнэлэгт хэвтсэний ихэнх нь 65-аас дээш насныхан байна гэж Японы Гал түймрээс хамгаалах удирдах газар, түргэн тусламжийн албанаас мэдээллээ. Халуунд нэрвэгдэгсдийн олонхи нь нийслэл Токио болон Аити, Осака, Хёго, Саитама, Канагава аймгуудын иргэд байна.

Японы Ус цаг уурын агентлагийн мэдээгээр бол ойрын өдрүүдэд ихэнх нутагт хэт халуун хадгалагдах тул эрх баригчид иргэдийг сэрүүцүүлэгч ашиглах, онцын шаардлагагүй бол гадаа удан хугацаагаар байхгүй байж цэвэр ус байнга ууж байхыг анхааруулж байна.