Монголын урдаа барьдаг бизнесмэнүүдийн нэг Гацууртын гэх Л.Чинбат өөрийн фэйсбүүк хуудсандаа ийн бичжээ.

"Сүүлийн үед «Үндэсний Цэцэрлэгт Хүрээлэн»-г худалдааны төв болгосон байна гэдэг шүүмжлэл цөөнгүй үзэгдлээ. Үүнтэй холбогдуулаад нэгэн санаачлага дэвшүүлж байна.

Надад зөвшөөрөл өгөөч хотын даргаа! Үндэсний цэцэрлэгт хүрээлэнд хүүхэд бүр үнэ төлбөргүй тоглох дэлхийн жишгийн тоглоомын талбай байгуулах зөвшөөрөл өгөөч. Хотоос, улсаас нэг ч төгрөг гаргахгүй бүх хөрөнгө зардлыг нь хувиасаа дааж нийт нялх үрсээ баясгах боломж олгооч. Өнөөдөр тоглох хүүхэд өсөж том болоод өөрийн хүүхдээ тоглуулдаг урт настай, өндөр чанартай багачуудын байгууламжийг хувийн хэвшлийнхэн бид бүтээе. Бид ажлыг нь ч тэр, арчилгааг нь ч тэр бүгдийг нь хийнэ харин танаас ганцхан гарын үсэг л хүсэж байна. Ойлгож дэмжинэ гэдэгт эргэлзэхгүй байна.

Иргэн Л.Чинбат

Түгээж дэмжээрэй. Баярлалаа."

Үнэндээ төрд байгаа юм хэзээ ч хөгжиж дэвшдэггүйн жишээ олон зүйл дээр харагддаг. Үндэсний тэргүүлэгч компаниудын нийгмийн сайн сайхны төлөө хийж байгаа энэ ажлыг, түүний бичсэнийг маш их хүн дэмжиж байгаа учир хотын удирдлагууд анхааралдаа авна гэдэгт нийслэлийн иргэд итгэж байна.